ടെഹ്റാന് : കടുത്ത ഇസ്ളാമിക നിയമം നടപ്പാക്കുന്ന ഇറാനില് ഹിജാബ് ധരിച്ചില്ലെന്ന പേരില് 18 കാരി ഗ്രാന്റ്മാസ്റ്ററെ ദേശീയ ചെസ് ടീമില് നിന്നും പുറത്താക്കി. ഇറാനിയന് കായികരംഗത്തെ ഏറ്റവും ശ്രദ്ധേയയും ഗ്ളാമര്താരവുമായ 18 കാരി ദോര്സ ദേരാക്ഷാനിയെയാണ് ദേശീയ ടീമില് നിന്നും വിലക്കിയത്. സ്ത്രീകള് മുടി മറയ്ക്കണമെന്ന് ശക്തമായ നിയമമുള്ള ഇറാനില് അങ്ങിനെ ചെയ്തില്ല എന്ന കാരണത്താലാണ് ദോര്സയെ ടീമില് നിന്നും പുറത്താക്കിയത്.
ട്രേഡ്വൈസ് ജിബ്രാള്ട്ടര് 2017 ചെസ് ഫെസ്റ്റിവലിലെ വ്യക്തിഗത വിഭാഗത്തില് മത്സരിക്കുന്ന ദോര്സയ്ക്ക് പുറമേ ഇവരുടെ സഹോദരന് 15 കാരന് ബോര്ണയേയും വിലക്കിയിട്ടുണ്ട്. ഇസ്രായേലി താരം അലക്സാണ്ടര് ഹുസ്മാനുമായുള്ള മത്സരത്തിന് തൊട്ടു പിന്നാലെയാണ് ബോര്ണയെ വിലക്കിയത്. അതേസമയം പ്രശ്നത്തില് ഇടപെടുമെന്നാണ് ഇറാന് ചെസ് ഫെഡറേഷന് അറിയിച്ചിരിക്കുന്നത്. ആദ്യം ഇവരോട് ഖേദം പ്രകടിപ്പിക്കാന് ആവശ്യപ്പെടുമെന്നും അതിന് ശേഷമേ ദേശീയ ടീമില് ഇവര് വേണമോ വേണ്ടയോ എന്ന് തീരുമാനിക്കു എന്നും പറഞ്ഞു.
