തിരുവനന്തപുരം: കേരളത്തിന്റെ വികസനത്തിന് ഡബിള് എഞ്ചിനുള്ള സര്ക്കാര് വരണമെന്നും കേന്ദ്രസര്ക്കാര് പദ്ധതികള് നടപ്പിലാക്കുന്ന സര്ക്കാര് സംസ്ഥാനത്ത് ഇനി ഭരണത്തില് എത്തണമെന്നും പ്രധാനമന്ത്രി നരേന്ദ്രമോദി. കേരളത്തില് രാഷ്ട്രീയ മാറ്റത്തിനറെ കാറ്റ് വീശി തുടങ്ങിയെന്നും വിശ്വാസവഞ്ചന കാണിച്ച രണ്ടു മുന്നണികളെയും കരുതിയിരിക്കണമെന്നും പറഞ്ഞു.
മൊബൈല് ആപ്ലിക്കേഷനായ ഓഡിയോ ബ്രിഡ്ജിലൂടെ ബിജെപി ബൂത്തുതല പ്രവര്ത്തകരുമായി നടത്തിയ സംവാദത്തിലാണ് ഇക്കാര്യം വ്യക്തമാക്കിയത്. തിരുവനന്തപുരത്തെ വിജയത്തിനുശേഷം ജനങ്ങള് വലിയ ആവേശത്തിലാണെന്നും സംസ്ഥാനത്ത് ബിജെപി തരംഗം ആഞ്ഞടിക്കുകയാണെന്നും ഈ തരംഗം വോട്ടാക്കി മാറ്റാന് കഴിയണമെന്നും അദ്ദേഹം കാര്യകര്ത്താക്കളോട് പറഞ്ഞു.
ഓരോ വീട്ടിലും ചെന്ന് വോട്ടര്മാരെ കാണണം. ആളുകളുടെ താല്പ്പര്യം കൂടി പരിഗണിച്ച് അഞ്ചുവര്ഷത്തേക്കുള്ള പദ്ധതികളുടെ രൂപരേഖ തയ്യാറാക്കാനും പ്രധാനമന്ത്രി ആഹ്വാനം ചെയ്തു. വയനാട് എംപിയെ സംവാദത്തിന് വിളിക്കാനും അദ്ദേഹം ആഹ്വാനം ചെയ്തു. ഓഡിയോ ബ്രിഡ്ജിലൂടെ വിവിധ കാര്യകര്ത്താക്കളുടെ ചോദ്യങ്ങള്ക്ക് പ്രധാനമന്ത്രി മറുപടി നല്കുകയും ചെയ്തു.
