കണ്ണൂര്: തെലങ്കാന മുഖ്യമന്ത്രി രേവന്ത് റെഡ്ഡിയുടെ 'നീ പോ വിജയാ' എന്ന പരിഹാസത്തിന് കടുത്ത മറുപടിയുമായി മുഖ്യമന്ത്രി പിണറായി വിജയന്. രേവന്ത് റെഡ്ഡി കേരളത്തില് പറഞ്ഞ കാര്യങ്ങള്ക്ക് താന് ഇപ്പോള് മറുപടി പറയാനില്ലെന്നും 'ഡാഷ് മോനെ രേവന്താ നിനക്കുള്ള മറുപടി തെരഞ്ഞെടുപ്പ് കഴിഞ്ഞാല് വരുന്നുണ്ട്' ്എന്നും മുഖ്യമന്ത്രി പിണറായി വിജയന് പറഞ്ഞു. കണ്ണൂര് പ്രസ് ക്ലബ് നടത്തിയ 'ജനവിധി 2626-മീറ്റ് ദ ലീഡര്' പരിപാടിയില് സംസാരിക്കുകയായിരുന്നു അദ്ദേഹം.
തെലങ്കാന മുഖ്യമന്ത്രി രേവന്ത് റെഡ്ഡി നടത്തിയ പരാമര്ശം മാധ്യമപ്രവര്ത്തകര് ശ്രദ്ധയില്പ്പെടുത്തിയപ്പോഴാണ് മുഖ്യമന്ത്രിയുടെ അതിരൂക്ഷമായ പ്രതികരണം. സഭ്യേതരമല്ലാതെ, 'ഡാഷ് മോനെ രേവന്താ, നിനക്കുള്ള മറുപടി തെരഞ്ഞെടുപ്പ് കഴിഞ്ഞാല് വരും' എന്നായിരുന്നു മുഖ്യമന്ത്രിയുടെ പ്രതികരണം.
കേരളത്തിലെ വികസന നേട്ടങ്ങളെ ചൊല്ലി മുഖ്യമന്ത്രി പിണറായി വിജയനും തെലങ്കാന മുഖ്യമന്ത്രി രേവന്ത് റെഡ്ഡിയും തമ്മില് വാക്പോര് മുറുകുന്ന സാഹചര്യത്തിലാണ് പിണറായി വിജയന് പൊട്ടിത്തെറിച്ചത്. തനിക്കെതിരേ നടത്തിയ വിമര്ശനങ്ങള്ക്ക് മറുപടിയായി തെലങ്കാന മുഖ്യമന്ത്രി രേവന്ത് റെഡ്ഡി തിങ്കളാഴ്ച പിണറായി വിജയന് കത്തയച്ചിരുന്നു. കഴിഞ്ഞ മൂന്നിന് എക്സ് സന്ദേശത്തിലൂടെ പിണറായി നടത്തിയ ആരോപണങ്ങള്ക്ക് എണ്ണിയെണ്ണി മറുപടി നല്കിയായിരുന്നു കത്ത്. ആരോപണങ്ങള് തികച്ചും കഴമ്പില്ലാത്തതാണെന്നും തെറ്റായ വിവരങ്ങളാണെന്നും റെഡ്ഡി കുറ്റപ്പെടുത്തി. നരസിംഹം സിനിമയിലെ നീ പോ മോനേ ദിനേശാ എന്ന മോഹന്ലാല് ഡയലോഗ് അനുകരിച്ച് 'നീ പോ മോനെ വിജയാ' എന്ന പരാമര്ശത്തോടെയാണ് രേവന്ത് കത്ത് അവസാനിപ്പിച്ചത്. ഇതിനെതിരേയാണ് മുഖ്യമന്ത്രി പ്രതികരിച്ചത്. ഒരു മുഖ്യമന്ത്രിയോട് അയല് സംസ്ഥാനത്തെ മറ്റൊരു മുഖ്യമന്ത്രി കാണിക്കുന്ന മര്യാദ രേവന്ത് കാണിച്ചില്ലെന്നും പിണറായി പറഞ്ഞു.
