കണ്ണൂര്: ധര്മ്മടം മണ്ഡലത്തില് തെരഞ്ഞെടുപ്പ് പൂര്ണമായും അട്ടിമറിക്കപ്പെട്ടുവെന്നും അട്ടിമറിക്ക് മുഖ്യമന്ത്രി തന്നെ നേതൃത്വം കൊടുത്തുവെന്നും ബിജെപി സംസ്ഥാന സെക്രട്ടറി കെ. രഞ്ജിത്ത് വാര്ത്താസമ്മേളനത്തില് ആരോപിച്ചു. പരസ്യമായ ജനധിപത്യക്കശാപ്പാണ് ധര്മ്മടത്ത് കാണാന് സാധിച്ചത്. നിരവധി ബൂത്തുകളില് സന്ദര്ശനം നടത്തിയപ്പോള് കാണാന് സാധിച്ചത് വ്യാപകമായ കള്ളവോട്ടു നടന്നുവെന്നതാണ്. ഇതു സംബന്ധിച്ച് തെരഞ്ഞെടുപ്പ് ദിവസം വൈകുന്നേരം തന്നെ റിട്ടേണിംഗ് ഓഫീസറെ കണ്ട് പരാതി കൊടുത്തിരുന്നു.
കള്ള വോട്ടിനൊപ്പം വ്യാപകമായി ഓപ്പണ് വോട്ടുകളും ചെയ്തു. ബൂത്ത് നമ്പര് 174 കോവൂരില് 90.64 ശതമാനം വോട്ട്, 196 ചേരിക്കല് 91.05, 177 പൊട്ടന്പാറ അങ്കണവാടി ബൂത്തില് 91.32 ശതമാനം വോട്ടും ചെയ്തു. സ്ഥലത്തില്ലാത്തവരുടേതുള്പ്പടെ വോട്ട് ചെയ്തത് കൊണ്ടാണ് ഇത്രയും ശതമാനം വര്ദ്ധിച്ചത്. ഈ മൂന്ന് ബൂത്തുകളും മുഖ്യമന്ത്രിയുടെ മണ്ഡലത്തിലാണ്. മുഖ്യമന്ത്രി വോട്ട് ചെയ്ത ബൂത്തില് തെരഞ്ഞെടുപ്പ തലേദിവസം വൈകുന്നേരം എന്ഡിഎ പ്രവര്ത്തകര് ചെന്നപ്പോള് രാവില ചെന്നാല് ബൂത്ത് ഏജന്റിന്റെ പാസ്സ് നല്കാമെന്ന് പറഞ്ഞ് തിരികെ അയച്ചു. രാവിലെ ചെന്നപ്പോള് അകത്ത് കടക്കാന് അനുവദിക്കാതെ അടിച്ചോടിക്കുകയായിരുന്നു. ഇത്തരത്തില് വ്യാപകമായി ബൂത്ത് ഏജന്റുമാരെ ഇരിക്കാന് അനുവദിക്കാതെ തെരഞ്ഞെടുപ്പില് കൃത്രിമം കാണിച്ചു.
ധര്മ്മടം മണ്ഡലത്തില് മുഖ്യമന്ത്രിക്കെതിരെ അതിശക്തമായ ജനവികാരമുണ്ട്. പ്രധാനമായും പഴയകാല പ്രവര്ത്തകരാണ് എതിരായി നില്ക്കുന്നത്. ഇത്തരത്തില് സംശയമുള്ളവരുടെ വോട്ട് ഭീഷണിപ്പെടുത്തി ഓപ്പണ് വോട്ടായി ചെയ്തു. എസ്ഐആര് വരുന്നതിന് മുമ്പ് മരണപ്പെട്ടവരുടെ വോട്ട് ലിസ്റ്റിലുണ്ടാവാറുണ്ട്.
എന്നാല് ഇപ്പോള് മരണപ്പെട്ടവരുടെ വോട്ട് ലിസ്റ്റില് നിന്ന് നീക്കം ചെയ്പ്പെട്ടു.യ ഏകദേശം ആറായിരം മുതല് എട്ടായിരം വരെ ഓപ്പണ് വോട്ട് ചെയ്തതായാണ് കണക്ക്. പരാജയ ഭീതിപൂണ്ടാണ് ക്രമക്കേട് നടത്തിയത്. കള്ളവോട്ട് ചെയ്യാനെത്തിയവരെ തിരിച്ചറിഞ്ഞാല് അവരെ പോലീസ് അറസ്റ്റ് ചെയേ്േണ്ടതാണ്. എന്നാല് ധര്മ്മടത്ത് അവരെ രക്ഷപ്പെടാന് അനുവദിക്കുകയായിരുന്നു.
ധര്മ്മടത്ത് യുഡിഎഫ് എല്ഡിഎഫ് ഡീല് കൃത്യമായി നടന്നു. തെരഞ്ഞെടുപ്പ് പ്രചാരണത്തില് സജീവമായില്ലെന്ന് മാത്രമല്ല കള്ളവോട്ട് തടയാന് യുഡിഎഫിന്റെ ഭാഗത്തു നിന്ന് കാര്യമായ ശ്രമമൊന്നുമുണ്ടായില്ല. യുഡിഎഫിന്റെ പ്രമുഖ നേതാക്കളാരും തന്നെ പ്രചാരണത്തിന് മണ്ഡലത്തിലെത്തിയില്ല.
മുഖ്യമന്ത്രിയും പ്രതിപക്ഷ നേതാവും തമ്മിലുള്ള സൗഹൃദം എല്ലാവര്ക്കുമറിയാം. നിയമസഭയില് മുഖ്യമന്ത്രി പ്രതിരോധത്തിലാകുമ്പോള് പ്രതിപക്ഷ നേതാവ് സ്വീകരിക്കുന്ന നിലപാട് നമുക്കറിയാം. അതു കൊണ്ട് തന്നെ മുഖ്യമന്ത്രിയും പ്രതിപക്ഷ നേതാവും മത്സരിക്കുന്ന മണ്ഡലങ്ങളില് കൃത്യമായ ഡീല് നടന്നിട്ടുണ്ടെന്ന് അദ്ദേഹം പറഞ്ഞു.
ബിജെപി സംസ്ഥാന കൗണ്സില് അംഗം അഡ്വ ജിതിന് രഘുനാഥ്, സൗത്ത് ജില്ലാ സെക്രട്ടറി കെ.പി. ഹരീഷ് ബാബു, ചക്കരക്കല് മണ്ഡലം പ്രസിഡന്റ് വിപിന് ഐവര്കുളം, ധര്മ്മടം മണ്ഡലം പ്രസിഡന്റ് ആര്. ഷംജിത്ത്, ജനറല് സെക്രട്ടറി പി. അജയന് എന്നിവരും വാര്ത്താ സമ്മേളനത്തില് പങ്കെടുത്തു.
