തിരുവനന്തപുരം: വി.ഡി. സതീശന് മന്ത്രിസഭയുടെ സത്യപ്രതിജ്ഞാച്ചടങ്ങിന് നിര്ബന്ധനയുമായി ലോക്ഭവന്. ചടങ്ങ് നടക്കുന്ന വേദിയില് മുഖ്യമന്ത്രിയും മന്ത്രിമാരും ചീഫ് സെക്രട്ടറിയും മാത്രമേ പാടുള്ളൂവെന്ന് ലോക്ഭവന് നിര്ദേശിച്ചു.
ലോക്സഭാ പ്രതിപക്ഷ നേതാവും ക്ഷണിക്കപ്പെട്ട മുഖ്യമന്ത്രിമാരും ചടങ്ങില് പങ്കെടുക്കുമെന്ന് പ്രോട്ടോകോള് വിഭാഗം ഗവര്ണറെ അറിയിച്ചിരുന്നു. ഇതേത്തുടര്ന്നാണ് വേദിയില് മറ്റുള്ളവര് പാടില്ലെന്ന് ലോക്ഭവന് നിര്ദേശം നല്കിയത്. തമിഴ്നാട്ടിലും എതിര്പ്പ് അറിയിച്ചുവെങ്കിലും സി. ജോസഫ് വിജയിയുടെ സത്യപ്രതിജ്ഞാച്ചടങ്ങില് രാഹുല് ഗാന്ധി പങ്കെടുത്തു. വേദിയില് ആരൊക്കെ വേണമെന്നു തീരുമാനിക്കേണ്ടത് ഗവര്ണറാണെന്ന് പൊതുഭരണവകുപ്പ് അറിയിച്ചു.
സത്യപ്രതിജ്ഞ നടക്കുന്ന സെന്ട്രല് സ്റ്റേഡിയത്തിലെ പ്രധാന ഗേറ്റിലൂടെ വി.ഐ.പി. എന്ട്രി മാത്രമായിരിക്കും ഉണ്ടാവുക. രാവിലെ എട്ടു മണിക്കുള്ളില് സ്റ്റേഡിയത്തില് കയറണം. ഒമ്പതു മണിക്ക് ഗേറ്റുകളും റോഡും അടയ്ക്കും.
