തിരുവനന്തപുരം: ലത്തീന് സഭയുടെ പിണക്കം മാറ്റി മുഖ്യമന്ത്രി വി.ഡി.സതീശന്റെ ബിഷപ് ഹൗസ് സന്ദര്ശനം. സത്യപ്രതിജ്ഞ കഴിഞ്ഞു മണിക്കൂറുകള്ക്കകം മുഖ്യമന്ത്രി, വെള്ളയമ്പലം ബിഷപ് ഹൗസിലെത്തി ആര്ച്ച് ബിഷപ് അടക്കമുള്ളവരെ കണ്ടു. മന്ത്രിസഭയില് സഭാ പ്രാതിനിധ്യം ഇല്ലാത്തതില് കടുത്ത അതൃപ്തിയിലായിരുന്നു ലത്തീന് രൂപത. സത്യപ്രതിജ്ഞാ ചടങ്ങും സഭ ബഹിഷ്കരിച്ചിരുന്നു. ഇതിന് പിന്നാലെയാണു സന്ദര്ശനം.
തീരപ്രദേശത്തെ വിഷയങ്ങളില് ശ്രദ്ധയോടെയുള്ള ഇടപെടല് മുഖ്യമന്ത്രി ഉറപ്പുനല്കിയെന്നും സഭയുടെ അതൃപ്തി മാറിയെന്നും തിരുവനന്തപുരം രൂപത വികാരി ജനറല് ഫാ. യൂജിന് പെരേര പറഞ്ഞു. കോവളം എം.എല്.എ: എം. വിന്സെന്റിനെ ഫിഷറീസ് മന്ത്രിയാക്കണമെന്നു സഭ ആവശ്യപ്പെട്ടിരുന്നു.
