ലേഡി സൂപ്പര്സ്റ്റാര് നയന്താരയുടെയും കുടുംബത്തിന്റെയും വത്തിക്കാന് സിറ്റിയിലെ അവധിക്കാല ആഘോഷത്തിന്റെ ചിത്രങ്ങള്ളാണിപ്പോള് സോഷ്യല് മീഡിയയില് ശ്രദ്ധനേടുന്നത്. ഭര്ത്താവും സംവിധായകനുമായ വിഘ്നേഷ് ശിവനും മക്കളായ ഉയിര്, ഉലകം എന്നിവര്ക്കുമൊപ്പമുള്ള മനോഹരമായ നിമിഷങ്ങളാണ് താരം തന്റെ ഇന്സ്റ്റാഗ്രാം അക്കൗണ്ടിലൂടെ ആരാധകര്ക്കായി പങ്കുവെച്ചത്.
"ഞങ്ങളുടെ പ്രിയപ്പെട്ട നഗരമായ വത്തിക്കാൻ സിറ്റിയിൽ നിന്നും ഞങ്ങൾ... പവിത്രമായ സ്നേഹത്താലും ദൈവാനുഗ്രഹങ്ങളാലും ചുറ്റപ്പെട്ടിരിക്കുന്നു," എന്നാണ് ചിത്രങ്ങൾക്കൊപ്പം താരം കുറിച്ചത്. സ്റ്റൈലിഷ് കറുത്ത വസ്ത്രത്തിൽ നയൻതാര തിളങ്ങിയപ്പോൾ, ലളിതവും കാഷ്വലുമായ ലുക്കിലായിരുന്നു വിഘ്നേഷ്.
വത്തിക്കാനിലെ തെരുവുകളിലൂടെ കൈകോർത്തു നടക്കുന്ന പ്രണയജോഡികളെയും, കുഞ്ഞുങ്ങളെ ചേർത്തുപിടിച്ച് ഉമ്മ നൽകുന്ന സ്നേഹനിമിഷങ്ങളും ഇതിനകം തന്നെ ആരാധകർ ഏറ്റെടുത്തു കഴിഞ്ഞു.
2015-ൽ പുറത്തിറങ്ങിയ 'നാനും റൗഡി താൻ' എന്ന ചിത്രത്തിന്റെ സെറ്റിൽ വെച്ച് മൊട്ടിട്ട പ്രണയം, വർഷങ്ങൾക്കിപ്പുറം 2022 ജൂൺ 9-നാണ് വിവാഹത്തിലെത്തിയത്. മഹാബലിപുരത്ത് വെച്ച് നടന്ന ആഡംബര വിവാഹത്തിൽ ഷാരൂഖ് ഖാൻ, രജനികാന്ത്, എ.ആർ. റഹ്മാൻ, സൂര്യ തുടങ്ങി വൻ താരനിരയാണ് പങ്കെടുത്തത്. അതേവർഷം സെപ്റ്റംബറിലാണ് വാടകഗർഭധാരണത്തിലൂടെ ഈ പ്രിയ ദമ്പതികൾക്ക് ഇരട്ടക്കുട്ടികളായ ഉയിരും ഉലകവും ജനിക്കുന്നത്.
