ന്യൂഡല്ഹി: ആക്ഷേപഹാസ്യ ഡിജിറ്റല് സംഘടനയായ കോക്രോച്ച് ജനതാ പാര്ട്ടി (സി.ജെ.പി) സ്ഥാപകന് അഭിജിത് ദീപ്കേയ്ക്ക് വധ ഭീഷണിയെന്ന് പരാതി. നീക്കം അവസാനിപ്പിച്ചില്ലെങ്കില് വകവരുത്തുമെന്ന ഭീഷണി സന്ദേശങ്ങള് ദീപ്കേ സാമൂഹികമാധ്യമത്തില് പങ്കുവച്ചു. അക്കൗണ്ട് പൂട്ടിയില്ലെങ്കില് വകവരുത്തുമെന്നാണ് ഭീഷണി. ദീപ്കേയുടെ രക്ഷിതാക്കള് ആശങ്ക അറിയിച്ച് രംഗത്തെത്തി.
കോക്രോച്ച് ജനതാ പാര്ട്ടി എന്ന പേരില് തുടങ്ങിയ ആക്ഷേപ ഹാസ്യ അക്കൗണ്ടുകള് രാജ്യസുരക്ഷയ്ക്ക് ഭീഷണിയെന്ന് രഹസ്യാന്വേഷണ വിഭാഗം കേന്ദ്രസര്ക്കാരിനെ അറിയിച്ചു. 'സി.ജെ.പിയുടെ സാമൂഹിക മാധ്യമ അക്കൗണ്ടുകള് പൂട്ടുക. നിങ്ങള്ക്ക് പണം കിട്ടും. ബി.ജെ.പിയില് ചേരുക. അല്ലെങ്കില് അമേരിക്കയില് വെച്ച് കൊല്ലപ്പെടും' -സാമൂഹിക മാധ്യമമായ എക്സില് അഭിജിത് ദീപ്കേ പങ്കുവച്ച സന്ദേശങ്ങളിലൊന്നിലെ ഭീഷണിയാണിത്. പാര്ട്ടി രൂപീകരിച്ച ശേഷം ഫോണിലൂടെയും സാമൂഹിക മാധ്യമ അക്കൗണ്ടുകളിലൂടെയും നിരന്തരം ഭീഷണി സന്ദേശങ്ങളെത്തുന്നുവെന്നാണ് അഭിജിത് വ്യക്തമാക്കുന്നത്. വീഡിയോ സന്ദേശമായെത്തിയ ഭീഷണിയും അഭിജിത് പങ്കുവച്ചു.
മധ്യപ്രദേശ് സ്വദേശിയായ അഭിജിത് നിലവില് ബോസ്റ്റണ് സര്വകലാശാലയില് വിദ്യാര്ഥിയാണ്. രക്ഷിതാക്കളായ ഭഗവാനും അനിത ദീപ്കേയും ആശങ്കയിലാണ്. ഈ നീക്കം മകനെ കുഴപ്പത്തില് ചാടിച്ചേക്കാമെന്നും അറസ്റ്റിലായേക്കാമെന്നും രക്ഷിതാക്കള് ആശങ്കപ്പെട്ടു. ഈ നീക്കത്തിന് ശേഷം ഉറക്കം നഷ്ടപ്പെട്ടെന്നും രക്ഷിതാക്കള് പ്രാദേശിക മാധ്യമങ്ങളോട് പറഞ്ഞു. അതേസമയം, രാജ്യത്തെ അസ്ഥിരപ്പെടുത്താനുള്ള ഇടപെടല് ഈ അക്കൗണ്ടുകള്ക്ക് പിന്നിലുണ്ടെന്ന് സംശയിക്കണമെന്നും ഐ.ബി കേന്ദ്ര സര്ക്കാരിനെ അറിയിച്ചെന്നാണ് സൂചന. ഇതിന്റെ അടിസ്ഥാനത്തില് കോക്രോച്ച് ജനത പാര്ട്ടിയുടെ എക്സ് അക്കൗണ്ട് വിലക്കിയത്.
ഐ.ബി റിപ്പോര്ട്ടിന്റെ അടിസ്ഥാനത്തില് ഐടി മന്ത്രാലയമാണ് അക്കൗണ്ട് വിലക്കാനുള്ള നിര്ദേശം എക്സിന് നല്കിയത്. ഇന്സ്റ്റഗ്രാം അക്കൗണ്ടും തടയാനാണ് സാധ്യത. ഒരു കോടി അറുപത് ലക്ഷം ഫോളോവേഴ്സാണ് ഇന്സ്റ്റഗ്രാം അക്കൗണ്ടിനുള്ളത്. വിലക്കിയ എക്സ് അക്കൗണ്ടിനു പകരം തുടങ്ങിയ 'കോക്രോച്ച് ഈസ് ബാക്ക്' എന്ന ഹാന്ഡിലിനും ഒന്നരലക്ഷം വരിക്കാരായി. ധര്മ്മേന്ദ്ര പ്രധാന് രാജിവയ്ക്കണം എന്ന പ്രചാരണം ഈ ഹാന്ഡില് തുടങ്ങിയിരുന്നു. മുന്കൂട്ടി തയാറാക്കിയ ഗൂഢാലോചനയുടെ ഫലമാണ് പാര്ട്ടിയെന്ന് ബി.ജെ.പി പ്രതികരിച്ചു.
മഹാരാഷ്ട്ര സ്വദേശിയായ അഭിജീത് ദിപ്കെ (30) ബോസ്റ്റണ് സര്വകലാശാലയില് പബ്ലിക് റിലേഷന്സില് ബിരുദാനന്തര ബിരുദ വിദ്യാര്ഥിയാണ്. പുനെയിലാണ് ജര്ണലിസത്തില് ബിരുദം പൂര്ത്തിയാക്കിയത്. റിപ്പോര്ട്ടുകള് പ്രകാരം, 2020 മുതല് 2023 വരെ ആം ആദ്മി പാര്ട്ടിയുമായി ബന്ധപ്പെട്ട് പ്രവര്ത്തിച്ചിട്ടുണ്ട്. പാര്ട്ടിയുടെ സാമൂഹികമാധ്യമ ടീമിനൊപ്പം സന്നദ്ധസേവനം നടത്തി. 2020 ലെ ഡല്ഹി നിയമസഭാ തെരഞ്ഞെടുപ്പില് ആം ആദ്മിക്കായി മീം അധിഷ്ഠിത ഡിജിറ്റല് പ്രചാരണത്തില് സജീവമായിരുന്നു.
കോക്രോച്ച് ജനതാ പാര്ട്ടി എന്ന പേരില് തുടങ്ങിയ ആക്ഷേപ ഹാസ്യ അക്കൗണ്ടുകള് രാജ്യസുരക്ഷയ്ക്ക് ഭീഷണിയെന്ന് രഹസ്യാന്വേഷണ വിഭാഗം കേന്ദ്രസര്ക്കാരിനെ അറിയിച്ചു. 'സി.ജെ.പിയുടെ സാമൂഹിക മാധ്യമ അക്കൗണ്ടുകള് പൂട്ടുക. നിങ്ങള്ക്ക് പണം കിട്ടും. ബി.ജെ.പിയില് ചേരുക. അല്ലെങ്കില് അമേരിക്കയില് വെച്ച് കൊല്ലപ്പെടും' -സാമൂഹിക മാധ്യമമായ എക്സില് അഭിജിത് ദീപ്കേ പങ്കുവച്ച സന്ദേശങ്ങളിലൊന്നിലെ ഭീഷണിയാണിത്. പാര്ട്ടി രൂപീകരിച്ച ശേഷം ഫോണിലൂടെയും സാമൂഹിക മാധ്യമ അക്കൗണ്ടുകളിലൂടെയും നിരന്തരം ഭീഷണി സന്ദേശങ്ങളെത്തുന്നുവെന്നാണ് അഭിജിത് വ്യക്തമാക്കുന്നത്. വീഡിയോ സന്ദേശമായെത്തിയ ഭീഷണിയും അഭിജിത് പങ്കുവച്ചു.
മധ്യപ്രദേശ് സ്വദേശിയായ അഭിജിത് നിലവില് ബോസ്റ്റണ് സര്വകലാശാലയില് വിദ്യാര്ഥിയാണ്. രക്ഷിതാക്കളായ ഭഗവാനും അനിത ദീപ്കേയും ആശങ്കയിലാണ്. ഈ നീക്കം മകനെ കുഴപ്പത്തില് ചാടിച്ചേക്കാമെന്നും അറസ്റ്റിലായേക്കാമെന്നും രക്ഷിതാക്കള് ആശങ്കപ്പെട്ടു. ഈ നീക്കത്തിന് ശേഷം ഉറക്കം നഷ്ടപ്പെട്ടെന്നും രക്ഷിതാക്കള് പ്രാദേശിക മാധ്യമങ്ങളോട് പറഞ്ഞു. അതേസമയം, രാജ്യത്തെ അസ്ഥിരപ്പെടുത്താനുള്ള ഇടപെടല് ഈ അക്കൗണ്ടുകള്ക്ക് പിന്നിലുണ്ടെന്ന് സംശയിക്കണമെന്നും ഐ.ബി കേന്ദ്ര സര്ക്കാരിനെ അറിയിച്ചെന്നാണ് സൂചന. ഇതിന്റെ അടിസ്ഥാനത്തില് കോക്രോച്ച് ജനത പാര്ട്ടിയുടെ എക്സ് അക്കൗണ്ട് വിലക്കിയത്.
ഐ.ബി റിപ്പോര്ട്ടിന്റെ അടിസ്ഥാനത്തില് ഐടി മന്ത്രാലയമാണ് അക്കൗണ്ട് വിലക്കാനുള്ള നിര്ദേശം എക്സിന് നല്കിയത്. ഇന്സ്റ്റഗ്രാം അക്കൗണ്ടും തടയാനാണ് സാധ്യത. ഒരു കോടി അറുപത് ലക്ഷം ഫോളോവേഴ്സാണ് ഇന്സ്റ്റഗ്രാം അക്കൗണ്ടിനുള്ളത്. വിലക്കിയ എക്സ് അക്കൗണ്ടിനു പകരം തുടങ്ങിയ 'കോക്രോച്ച് ഈസ് ബാക്ക്' എന്ന ഹാന്ഡിലിനും ഒന്നരലക്ഷം വരിക്കാരായി. ധര്മ്മേന്ദ്ര പ്രധാന് രാജിവയ്ക്കണം എന്ന പ്രചാരണം ഈ ഹാന്ഡില് തുടങ്ങിയിരുന്നു. മുന്കൂട്ടി തയാറാക്കിയ ഗൂഢാലോചനയുടെ ഫലമാണ് പാര്ട്ടിയെന്ന് ബി.ജെ.പി പ്രതികരിച്ചു.
മഹാരാഷ്ട്ര സ്വദേശിയായ അഭിജീത് ദിപ്കെ (30) ബോസ്റ്റണ് സര്വകലാശാലയില് പബ്ലിക് റിലേഷന്സില് ബിരുദാനന്തര ബിരുദ വിദ്യാര്ഥിയാണ്. പുനെയിലാണ് ജര്ണലിസത്തില് ബിരുദം പൂര്ത്തിയാക്കിയത്. റിപ്പോര്ട്ടുകള് പ്രകാരം, 2020 മുതല് 2023 വരെ ആം ആദ്മി പാര്ട്ടിയുമായി ബന്ധപ്പെട്ട് പ്രവര്ത്തിച്ചിട്ടുണ്ട്. പാര്ട്ടിയുടെ സാമൂഹികമാധ്യമ ടീമിനൊപ്പം സന്നദ്ധസേവനം നടത്തി. 2020 ലെ ഡല്ഹി നിയമസഭാ തെരഞ്ഞെടുപ്പില് ആം ആദ്മിക്കായി മീം അധിഷ്ഠിത ഡിജിറ്റല് പ്രചാരണത്തില് സജീവമായിരുന്നു.
Comments