ന്യൂഡല്ഹി: സമൂഹമാധ്യമങ്ങളില് വന് ചര്ച്ചകള്ക്കും വിവാദങ്ങള്ക്കും വഴിവെച്ച 'കോക്രോച്ച് ജനതാ പാര്ട്ടി' ഒരു രാഷ്ട്രീയ മുന്നണിയായി മാറാന് ലക്ഷ്യമിടുന്നതായി റിപ്പോര്ട്ടുകള്. സിജെപിയുടെ ഔദ്യോഗിക എക്സ് (ട്വിറ്റര്) അക്കൗണ്ട് കേന്ദ്ര സര്ക്കാര് വിലക്കിയ പശ്ചാത്തലത്തിലാണ് ഈ നീക്കം. അക്കൗണ്ട് റദ്ദാക്കിയതില് സര്ക്കാര് മൗനം തുടരുമ്പോഴും, ഒരു രാഷ്ട്രീയ പാര്ട്ടി രൂപീകരിക്കുന്നതിനെക്കുറിച്ച് ഗൗരവമായി ആലോചിക്കുമെന്ന് സിജെപി സ്ഥാപകന് അഭിജിത് ദീപ്കെ വ്യക്തമാക്കി.
നിലവില് ഇന്സ്റ്റാഗ്രാമില് മാത്രം രണ്ട് കോടിയിലധികം ഫോളോവേഴ്സാണ് ഈ കൂട്ടായ്മയ്ക്കുള്ളത്. സിജെപിയെ അനുകൂലിച്ച് കോണ്ഗ്രസ് നേതാവ് ശശി തരൂര് രംഗത്തെത്തിയതോടെ വിഷയം ദേശീയ ശ്രദ്ധയാകര്ഷിച്ചു. ജനാധിപത്യത്തില് വിയോജിപ്പുകള് പ്രകടിപ്പിക്കാനുള്ള വേദികള് തടയരു തെന്നാണ് തരൂര് ആവശ്യപ്പെട്ടത്. എന്നാല് ഈ വിഷയത്തില് കൂടുതല് കരുതലോടെ കാത്തിരുന്ന് തീരുമാനമെടുക്കാനാണ് കോണ്ഗ്രസ് നേതൃത്വ ത്തിന്റെ ഭാവം. അതേസമയം, തരൂരിന്റെ നിലപാടിനെതിരെ രൂക്ഷവിമര്ശനവുമായി വിദേശകാര്യമന്ത്രി എസ്. ജയശങ്കര് രംഗത്തെത്തി. രാജ്യത്ത് കോണ്ഗ്രസിന് പ്രസക്തി നഷ്ടപ്പെട്ടോ എന്ന് ചോദിച്ച അദ്ദേഹം, സര്ക്കാരിനോട് വിയോജിപ്പുള്ളവര് പോലും ഇപ്പോള് കോണ്ഗ്രസിനെ കൈവിട്ട് ഇത്തരം കൂട്ടായ്മകളെ ആശ്രയിക്കുകയാണോ എന്നും പരിഹസിച്ചു.
ഡിജിറ്റല് ലോകത്ത്, പ്രത്യേകിച്ച് യുവാക്കള്ക്കിടയില് വന് സ്വാധീനമാണ് കോക്രോച്ച് ജനതാ പാര്ട്ടിക്ക് ലഭിച്ചുകൊണ്ടിരിക്കുന്നത്. പരമ്പരാഗത പ്രചാരണ രീതികള്ക്ക് പകരം കൃത്രിമ ബുദ്ധി ഉപയോഗിച്ച് നിര്മ്മിക്കുന്ന റീലുകളും സ്റ്റോറികളുമാണ് ഇവരുടെ പ്രധാന ആയുധം. അതിനിടെ, സി ജെപിയുടെ ആഹ്വാനപ്രകാരം നാളെ മനുഷ്യച്ചങ്ങല നടക്കുമെന്ന വാര്ത്തകളെത്തുടര്ന്ന് കര്ണാടക പോലീസ് കനത്ത ജാഗ്രതയിലാണ്. നേര
ത്തെ തന്റെ ഇന്സ്റ്റാഗ്രാം അക്കൗണ്ട് ഹാക്ക് ചെയ്യപ്പെട്ടതായി അഭിജിത് വെളിപ്പെടുത്തിയിരുന്നു. ഈ അക്കൗണ്ടുകള് വഴി യുവാക്കളെ സംഘടി പ്പിക്കാന് ആസൂത്രിത നീക്കം നടക്കുന്നുണ്ടോ എന്ന് നിരീക്ഷിക്കാന് രഹസ്യാന്വേഷണ ഏജന്സികള്ക്ക് നിര്ദ്ദേശം നല്കിയിട്ടുണ്ട്.
'ഒരെണ്ണം പൂട്ടിയാല് പത്തെണ്ണം മുളച്ചുവരും' എന്ന നിലയിലാണ് സോഷ്യല് മീഡിയയില് സിജെപിയുടെ വളര്ച്ച. ഒരു അക്കൗണ്ട് വിലക്കുമ്പോള് സമാനമായ നിരവധി പേജുകളാണ് ആരാധകര് നിര്മ്മിക്കുന്നത്. ഹാസ്യവും പരിഹാസവും കലര്ന്ന രീതിയിലാണ് സിജെപി ഭരണകൂട വിമര്ശനം ഉന്നയിക്കുന്നത്. എങ്കിലും അവര് മുന്നോട്ടുവെക്കുന്ന ആശയങ്ങള് യുവാക്കളെ ആകര്ഷിക്കുന്നതാണ്:
അഴിമതിയും വര്ഗ്ഗീയതയുമില്ലാത്ത സാമൂഹിക അന്തരീക്ഷം. വേഗതയേറിയ നീതിന്യായ വ്യവസ്ഥയും തൊഴിലില്ലായ്മ നിര്മ്മാര്ജ്ജനവും. സ്ത്രീകള്ക്ക് നിയമനിര്മ്മാണ സഭകളില് 50 ശതമാനം സംവരണം. ഇന്റര്നെറ്റ് ഓരോ പൗരന്റെയും മൗലികാവകാശമാക്കുക. ഇത്തരം സുപ്രധാന ആവശ്യങ്ങള് മുന്നിര്ത്തി യുവതലമുറ സ്വപ്നം കാണുന്ന പുതിയൊരു ഇന്ത്യയാണ് 'പാറ്റ ജനതാ പാര്ട്ടി' വിഭാവനം ചെയ്യുന്നത്.
