ഹരിപ്പാട്: ഭിക്ഷാടനസംഘത്തില്പ്പെട്ട പതിനാലുകാരന് തന്നെ രക്ഷിക്കണം എന്ന് ആവശ്യവുമായി ഹരിപ്പാട് റെയില്വേ സ്റ്റേഷനില് എത്തി. തമിഴ്നാട് തൂത്തുക്കുടി സ്വദേശിയായ മഹാരാജയാണ്(14) ഭിക്ഷാടന സംഘത്തിന്റെ കയ്യില് നിന്നും രക്ഷപ്പെട്ട് സ്റ്റേഷനില് എത്തിയത്.
മഹാരാജയുടെ മാതാവ് മരണപ്പെട്ടതിനെ തുടര്ന്ന് പിതാവ് മറ്റൊരു വിവാഹം കഴിച്ചു. മഹാരാജയും അനുജന് ചിലമ്പരശനും തൂത്തുക്കുടിയിലെ ഒരു അനാഥമന്ദിരത്തില് നിന്നാണ് പഠിക്കുന്നത്. ഹരിപ്പാട് കുട ശരിയാക്കുന്ന ജോലി ചെയ്യുന്ന ഇവരുടെ പിതാവിന്റെ അനുജനായ അന്തോണി ആണ് ഒരു മാസം മുമ്പ് ഇവരെ ഇവിടെ എത്തിച്ചത്. തുടര്ന്ന് ദിവസവും രാവിലെ ഒരു സംഘത്തോടൊപ്പം ഇവരെ ഭിക്ഷയ്ക്കായി പറഞ്ഞു വിടും.
ഉച്ചയ്ക്ക് സന്നദ്ധ സംഘടനകള് നല്കുന്ന ഭക്ഷണം വാങ്ങി നല്കും. ഉച്ചയ്ക്കുശേഷം വീണ്ടും ഇവര്ക്ക് ഭിക്ഷയ്ക്ക് പോകണം. ഒരു ദിവസം 1500 രൂപയാണ് ടാര്ജറ്റ് നല്കിയിരിക്കുന്നത്. 1000 രൂപയില് താഴെയാണ് വരുമാനം എങ്കില് കുട്ടികളുടെ തലയ്ക്ക് പുറകിലായി മര്ദിക്കുകയാണ് അന്തോണി ചെയ്യുന്നത്. ഈ മര്ദനം സഹിക്കാന് ആവാതെയാണ് മഹാരാജ രക്ഷപ്പെട്ട് ഓടി റെയില്വേ സ്റ്റേഷനില് എത്തിയത്. ഇവിടെ വെച്ച് ഈ കുട്ടിയെ കണ്ട നാട്ടുകാരില് ചിലര് ബ്ലോക്ക് പഞ്ചായത്ത് അംഗമായ റോഷിനെ വിവരം അറിയിച്ചു.
റോഷിന് ഹരിപ്പാട് പോലീസിന്റെ സഹായത്തോടെ ചൈല്ഡ് ലൈനില് വിവരം അറിയിക്കുകയും കുട്ടിക്ക് ആവശ്യമായ ചെരിപ്പും മറ്റും വാങ്ങി നല്കി. ചൈല്ഡ് ലൈന് നിര്ദേശപ്രകാരം സെന്റ് തോമസ് ബാലികാ ഭവനില് താല്ക്കാലികമായി കുട്ടിയെ താമസിപ്പിച്ചിരിക്കുകയാണ്. മഹാരാജ നല്കിയ വിവരം അനുസരിച്ച് റോഷിനും കൂട്ടരും പോലീസിന്റെ സഹായത്തോടെ അനിയനെ കണ്ടെത്താനായി ഹരിപ്പാട് പല സ്ഥലങ്ങളിലും അന്വേഷണം നടത്തിയെങ്കിലും കണ്ടെത്താനായില്ല. വിവരമറിഞ്ഞ് ഇവിടെ നിന്നും രക്ഷപ്പെട്ടതാകാനാണ് സാധ്യത. നഗരത്തിലെ ഭിക്ഷാടന മാഫിയ സജീവമാണ്.
