പ്രഖ്യാപിച്ച നാള് മുതല് ബോളിവുഡ് സിനിമാപ്രേക്ഷകരും ആരാധകരും ആവേശത്തോടെയും ആകാംക്ഷയോടെയും കാത്തിരിക്കുന്ന സ്പ്രൈ ആക്ഷന് ത്രില്ലറാണ് ‘ആല്ഫ’. ശിവ് റവൈയില് സംവിധാനം ചെയ്യുന്ന ഈ ചിത്രം യഷ് രാജ് ഫിലിംസിന്റെ സ്പൈ യൂണിവേഴ്സിന്റെ ഭാഗമാണ്. 2012-ൽ ഏക് താ ടൈഗറിലൂടെ ആരംഭിച്ച വൈആർഎഫ് സ്പൈ യൂണിവേഴ്സിലെ ഏഴാമത്തെ ചിത്രമാണ് ആല്ഫയില് മാസ് ആക്ഷൻ റോളിലാണ് കേന്ദ്ര കഥാപാത്രമായ ആലിയ ഭട്ട് എത്തുന്നത്. ആലിയയുടെ ആക്ഷന് പടം എന്നതുകൊണ്ട് തന്നെ ഈ ചിത്രം പ്രഖ്യാപനത്തില് തന്നെ വലിയ പ്രേക്ഷക ശ്രദ്ധ നേടിയിരുന്നു.
ഇക്കഴിഞ്ഞ ദിവസമാണ് ആലിയ ഭട്ടും ബോബി ഡിയോളും കേന്ദ്രകഥാപാത്രമായി എത്തുന്ന ‘ആല്ഫ’യുടെ ടീസര് എത്തിയത്. ആലിയയുടെ വമ്പന് ആക്ഷന് രംഗങ്ങള് തന്നെയാണ് ടീസറിന്റെ ഹൈലൈറ്റ്. രണ്ട് മിനിറ്റ് ദൈര്ഘ്യമുള്ള ടീസറില് അച്ഛന്- മകള് തമ്മിലുള്ള ഊഷ്മളമായ ബന്ധവും ബോബി ഡിയോളിന്റെ അച്ഛന് കഥാപാത്രം മകളായ ആലിയയെ ഒരു നിര്ഭയ പോരാളിയാക്കി മാറ്റുന്നതും കാണിക്കുന്നു. ആലിയയുടെ ആക്ഷന് രംഗങ്ങളാല് സമ്പന്നമായ ചിത്രത്തിന്റെ ടീസറിന് വലിയ വരവേല്പ്പാണ് കിട്ടിക്കൊണ്ടിരിക്കുന്നത്.
ഇപ്പോഴിതാ ആലിയയെ പ്രശംസ കൊണ്ട് മൂടുകയാണ് ബോളിവുഡിന്റെ ബിഗ് ബി അമിതാഭ് ബച്ചന്. തന്റെ ഇന്സ്റ്റഗ്രാം പേജിലൂടെ ‘ആല്ഫ’യുടെ ടീസര് പങ്കുവച്ച അമിതാഭ് ബച്ചന്, ആലിയയ്ക്ക് സ്നേഹവും ആശംസകളും കുറിച്ചിട്ടുണ്ട്.
‘‘എന്റെ പ്രിയപ്പെട്ട ആലിയയ്ക്ക് സ്നേഹവും ആശംസകളും...’’ എന്ന ക്യാപ്ഷന് നല്കിയാണ് ബിഗ് ബിയുടെ പോസ്റ്റ്. ‘താങ്ക്യൂ അമിത് ജി...’ എന്നാണ് ഇതിന് മറുപടിയായി ആലിയ കുറിച്ചിരിക്കുന്നത്.
കുട്ടിക്കാലം മുതല് ഒരു ദൗത്യം ഏറ്റെടുക്കുന്നതിന് വേണ്ടിയുള്ള തയാറെടുപ്പ് നടത്തുന്ന ആലിയയെയാണ് ഈ ടീസറില് കാണുന്നത്. ബോബി ഡിയോളാണ് ആലിയയുടെ അച്ഛന് വേഷത്തില് ഈ സിനിമയില് എത്തുന്നത്. ആലിയ ഭട്ട് ബോബി ഡിയോളിന്റെ കഥാപാത്രത്തോടൊപ്പം ഭക്ഷണം കഴിക്കുന്ന രംഗത്തോടെയാണ് ടീസർ ആരംഭിക്കുന്നത്. ഈ രംഗത്തിൽ ബോബി, 18-ാം ജന്മദിനാശംസകൾ നേർന്ന്, ഒരു റൂം നമ്പർ രേഖപ്പെടുത്തിയ കാർഡ് ആലിയയ്ക്ക് നൽകുന്നു. തുടർന്ന്, മകള് നേടിക്കഴിഞ്ഞ പരിശീലനം പ്രവർത്തിയിൽ വരുത്തേണ്ട സമയമായെന്ന് ബോബി ഡിയോള് അറിയിക്കുന്നു.
ഇതിന് പിന്നാലെ, ബോബി ഡിയോളിന്റെ കഥാപാത്രം ആലിയയെ ഒരു അപകടകരമായ ഓപ്പറേറ്റീവായി രൂപപ്പെടുത്തുന്നതിനായി വർഷങ്ങളായി നടത്തിയ പരിശീലനങ്ങളുടെ സൂചന നൽകുന്ന തീവ്രമായ ആക്ഷൻ രംഗങ്ങൾ കാണാം. മകളെ ഒരു നിര്ഭയ പോരാളിയാക്കി മാറ്റുന്നതിന് ആവശ്യമായ നിര്ദേശങ്ങള് നല്കുന്ന അച്ഛനെ മാത്രമല്ല, ഇവര്ക്കിടയിലെ ഗുരു-ശിഷ്യ ബന്ധവുമാണ് ടീസര് സൂചിപ്പിക്കുന്നത്. ആല്ഫയുടെ ചിഹ്നം ആലിയയുടെ ചെറുപ്പകാലം അവതരിപ്പിക്കുന്ന കുട്ടിയുടെ കയ്യില് പച്ചകുത്തുന്നതും ടീസറിലുണ്ട്. തുടര്ന്ന് ആലിയയുടെ മാസ് ആക്ഷന് രംഗങ്ങളാണ് ടീസറില് കാണുന്നത്.
ആലിയയുടെ ആക്ഷന് പടം എന്നതുകൊണ്ട് തന്നെ ഈ ചിത്രം പ്രഖ്യാപനത്തില് തന്നെ വലിയ പ്രേക്ഷക ശ്രദ്ധ നേടിയിരുന്നു. ജനപ്രിയ സ്പൈ ഫ്രാഞ്ചൈസിയിൽ സ്ത്രീകൾ നയിക്കുന്ന ആദ്യ ഭാഗമായ ‘ആല്ഫ’ 2026 ജൂലൈ 3 ന് ലോകമെമ്പാടുമുള്ള തിയേറ്ററുകളില് റിലീസാകും.
