തിരുവനന്തപുരം: രാഹുല് ഗാന്ധിയെ നേരിട്ടു കണ്ടാല് സാധാരണയായി കെട്ടിപ്പിടിക്കാറില്ലെന്ന് പ്രതിപക്ഷനേതാവ് പിണറായി വിജയന്. ''കൈ കൊടുക്കുന്നതോ വണങ്ങുന്നതോ ആണു പതിവ്. എന്നാല്, രാഹുല് ഗാന്ധി പ്രധാനമന്ത്രിയെ കെട്ടിപ്പിടിക്കുന്ന ചിത്രം കാണാനിടയായി. മോദിയെ കെട്ടിപ്പിടിക്കുന്നതില് എനിക്കു വ്യക്തിപരമായി ഒരു ആക്ഷേപവുമില്ല. എന്നാല്, ഇതു മറ്റൊരു തരത്തിലുള്ള രാഷ്ട്രീയ ചിത്രീകരണമാണു നല്കുന്നത്. രാഹുല് ഗാന്ധി 'ഇന്ത്യാ'മുന്നണിയുടെ വേദിയെ എങ്ങനെയാണു വീക്ഷിക്കുന്നത് എന്നതിന്റെ തെളിവാണിത്''- പിണറായി പറഞ്ഞു.
കേരളത്തിന്റെ മുന് മുഖ്യമന്ത്രി പിണറായി വിജയനെ ആലിംഗനം ചെയ്യാന് ആവശ്യപ്പെട്ടാല് തനിക്കതിനു കഴിയില്ലെന്നു രാഹുല് ഗാന്ധി 'ഇന്ത്യാ' സഖ്യത്തിന്റെ യോഗത്തില് പറഞ്ഞിരുന്നു. പിണറായിയുമായി സംസ്ഥാനതലത്തിലുള്ള രാഷ്ട്രീയമായ പോരാട്ടം മൂലമാണിത്. അതുള്ക്കൊള്ളാനുള്ള വഴക്കം ആവശ്യമാണെന്ന് അദ്ദേഹം പറഞ്ഞു. ഇതിനു മറുപടി പറയുകയായിരുന്നു പിണറായി.
കോണ്ഗ്രസിന്റെയും രാഹുല് ഗാന്ധിയുടെയും രാഷ്ട്രീയ സമീപനങ്ങള് പ്രതിപക്ഷ കൂട്ടായ്മയായ 'ഇന്ത്യാ' മുന്നണിയെ ദുര്ബലപ്പെടുത്തുകയാണെന്നു പിണറായി കുറ്റപ്പെടുത്തി. അത് ബി.ജെ.പിയെ സഹായിക്കുന്ന നിലയിലേക്കാണു ചെന്നെത്തുന്നതെന്നും അദ്ദേഹം പറഞ്ഞു. ദേശീയതലത്തിലെ സഖ്യകക്ഷികളുമായി സംസ്ഥാനതലത്തില് രാഷ്ട്രീയ വിയോജിപ്പുകളുണ്ടാകാമെന്നതിന്റെ ഉദാഹരണമായാണ് പിണറായി വിജയനെക്കുറിച്ച് രാഹുല് പരാമര്ശിച്ചത്. പ്രസംഗത്തിന്റെ പൂര്ണരൂപം കഴിഞ്ഞ ദിവസം പുറത്തുവന്നിരുന്നു.
