തന്റെ ജീവിതത്തിലെ ഏറ്റവും സന്തോഷം നിറഞ്ഞ ചില നിമിഷങ്ങൾ പങ്കുവെച്ചിരിക്കുകയാണ് ബോളിവുഡ് നടി ജാൻവി കപൂർ. തനിക്ക് ഏറെ പ്രിയപ്പെട്ട ഒരു സ്ഥലത്തുനിന്നുള്ള ചിത്രങ്ങളും വീഡിയോയുമാണ് താരം ഇൻസ്റ്റഗ്രാമിൽ ആരാധകർക്കായി പങ്കുവെച്ചിരിക്കുന്നത്.
തന്റെ വളർത്തുനായയോടൊപ്പം കളിക്കുന്നതും, സഹോദരി ഖുഷി കപൂറിനൊപ്പം പോസ് ചെയ്യുന്നതും, സുഹൃത്ത് ശിഖർ പഹാരിയയോടൊപ്പം ഒരു സാഹസിക യാത്ര ആസ്വദിക്കുന്നതുമെല്ലാം ഈ വീഡിയോയിലുണ്ട്. മലനിരകളിൽ വിശ്രമിക്കുന്നതിനിടയിൽ എടുത്ത ഒരു മനോഹരമായ കാൻഡിഡ് ചിത്രവും ജാൻവി പങ്കുവെച്ചിട്ടുണ്ട്. ജാസ്ലീൻ റോയലിന്റെ 'ഇനാം' എന്ന ഗാനത്തിന്റെ പശ്ചാത്തലത്തിൽ പങ്കുവെച്ച പോസ്റ്റിന്, '#happyplace, നിങ്ങളുടെ പാട്ടിനോട് എനിക്ക് ഭ്രാന്തമായ ഇഷ്ടമാണ്' എന്നാണ് ജാൻവി അടിക്കുറിപ്പ് നൽകിയിരിക്കുന്നത്.
സോഷ്യൽ മീഡിയയിൽ എപ്പോഴും സജീവമായ താരം, അടുത്തിടെ തിയേറ്ററുകളിലെത്തിയ രാം ചരൺ ചിത്രം ‘പെദ്ദി’യിലാണ് അവസാനമായി അഭിനയിച്ചത്. ബുച്ചി ബാബു സന സംവിധാനം ചെയ്ത ഈ സ്പോർട്സ് ആക്ഷൻ ഡ്രാമയിൽ ഒരു അത്ലറ്റിന്റെ വേഷത്തിലാണ് രാം ചരൺ എത്തിയത്.
