ബോളിവുഡിന്റെ പ്രിയപ്പെട്ട നടിയാണ് സോനാക്ഷി സിന്ഹ. ജൂണ് 2നായിരുന്നു താരത്തിന്റെ 39-ാം ജന്മദിനം. പിറന്നാളിനോടനുബന്ധിച്ച് നടത്തിയ ലണ്ടന് യാത്രയുടെ ചിത്രങ്ങള് ആരാധകര്ക്കായി പങ്കുവച്ചിരിക്കുകയാണ് സോനാക്ഷി സിന്ഹ ഇപ്പോള്. ഭര്ത്താവ് സഹീര് ഇഖ്ബാലിനൊപ്പും സുഹൃത്തുക്കള്ക്കുമൊപ്പമുളള ചിത്രങ്ങളാണ് താരം ഷെയര് ചെയ്തിരിക്കുന്നത്.
'' ചിത്രങ്ങള് പോസ്റ്റ് ചെയ്യാന് മറന്നുപോയ അത്രയും മികച്ചൊരു യാത്ര. ലണ്ടനിലേക്കുളള ഒരു ബര്ത്ത്ഡേ ട്രിപ്പ്. കമന്റ് ബോക്സില് link എന്ന് ടൈപ്പ് ചെയ്യൂ. ഞാന് നിങ്ങള്ക്ക് വ്ളോഗ് അയച്ചു താരം'' എന്നാണ് ചിത്രങ്ങള്ക്കൊപ്പം സോനാക്ഷി സിന്ഹ കുറിച്ചത്. നിരവധി പേരാണ് പോസ്റ്റിന് താഴെ പ്രതികരണങ്ങളുമായി എത്തുന്നത്.
അതേസമയം ' സിസ്റ്റം' എന്ന ചിത്രമാണ് സോനാക്ഷി സിന്ഹ അഭിനയിച്ച് ഏറ്റവും ഒടുവില് പുറത്തിറങ്ങിയ ചിത്രം. ആമസോണ് പ്രൈം വീഡിയോയിലൂടെയാണ് സിസ്റ്റം പ്രേക്ഷകര്ക്കരികിലെത്തിയത്. ജ്യോതികയാണ് ചിത്രത്തില് മറ്റൊരു പ്രധാന വേഷത്തിലെത്തുന്നത്. അശ്വിനി അയ്യര് തിവാരിയാണ് ചിത്രം സംവിധാനം ചെയ്തിരിക്കുന്നത്.
