തിരുവനന്തപുരം: സംസ്ഥാനത്ത് സ്വർണവിലയിൽ ഇന്ന് നേരിയ ഇടിവ് രേഖപ്പെടുത്തി. കേരള ഗോൾഡ് മെർച്ചന്റ്സ് അസോസിയേഷൻ പുറത്തുവിട്ട നിരക്കുകൾ പ്രകാരം ഗ്രാമിന് 190 രൂപ കുറഞ്ഞു. ഇതോടെ 22 കാരറ്റ് സ്വർണത്തിന്റെ ഗ്രാമിന് 13,375 രൂപയും പവന് 1,07,000 രൂപയുമായി.
ഇന്നലെ വൈകുന്നേരം സ്വർണവിലയിൽ നേരിയ വർധനയുണ്ടായിരുന്നു. ഗ്രാമിന് 35 രൂപയും പവന് 280 രൂപയും വർധിച്ചിരുന്നു. എന്നാൽ ഇന്ന് വിലയിൽ ഗണ്യമായ കുറവാണ് രേഖപ്പെടുത്തിയത്. ഇന്നലത്തെ വർധനയെ മറികടന്ന് പവന് 1,520 രൂപയും ഗ്രാമിന് 190 രൂപയും കുറഞ്ഞു.
അതേസമയം, സ്വർണാഭരണങ്ങൾ വാങ്ങുമ്പോൾ പണിക്കൂലി, ജിഎസ്ടി ഉൾപ്പെടെയുള്ള അധിക ചാർജുകൾ കൂടി നൽകേണ്ടിവരുമെന്നതിനാൽ ഉപഭോക്താക്കൾക്ക് യഥാർത്ഥ ചെലവ് ഇതിലും കൂടുതലായിരിക്കും.
സംസ്ഥാനത്ത് വെള്ളിവിലയിൽ ഇന്ന് മാറ്റമില്ല. ഒരു ഗ്രാം വെള്ളിക്ക് 25 രൂപയും 10 ഗ്രാം വെള്ളിക്ക് 250 രൂപയുമാണ് നിലവിലെ വിപണി വില.
