കൊച്ചി: സംസ്ഥാനത്ത് സ്വർണവിലയിൽ ഇന്ന് കുറവ് രേഖപ്പെടുത്തി. ഒരു ഗ്രാം സ്വർണത്തിന് 45 രൂപ കുറഞ്ഞതോടെ വില 13,230 രൂപയായി. ഒരു പവൻ സ്വർണത്തിന് 360 രൂപയുടെ ഇടിവാണ് ഉണ്ടായത്. ഇതോടെ പവന്റെ വില 1,05,840 രൂപയായി.
രണ്ട് ദിവസമായി തുടർന്ന വിലക്കയറ്റത്തിന് പിന്നാലെയാണ് ഇന്ന് സ്വർണവില താഴ്ന്നത്. ഇറാൻ-അമേരിക്ക സംഘർഷം വീണ്ടും ശക്തമായതിനെ തുടർന്ന് ആഗോള വിപണിയിൽ സ്വർണത്തിന് ആവശ്യകത ഉയർന്നിരുന്നു. ഇതിന്റെ പ്രതിഫലനമായാണ് സമീപ ദിവസങ്ങളിൽ വില വർധിച്ചത്.
ഈ മാസം ഒന്നാം തീയതി രേഖപ്പെടുത്തിയ 1,03,240 രൂപയാണ് പവൻ സ്വർണത്തിന്റെ ഏറ്റവും കുറഞ്ഞ വില. ഈ മാസത്തിൽ സ്വർണവിലയിൽ വലിയ ചാഞ്ചാട്ടമാണ് ഉണ്ടായത്.
ലോകത്തിലെ ഏറ്റവും വലിയ സ്വർണ ഉപഭോക്താക്കളിൽ ഒന്നാണ് ഇന്ത്യ. അന്താരാഷ്ട്ര വിപണിയിലെ മാറ്റങ്ങൾ സാധാരണയായി ആഭ്യന്തര വിപണിയിലും പ്രതിഫലിക്കാറുണ്ട്. എന്നാൽ ആഗോള വിപണിയിലെ വില വർധന കേരളത്തിലെ വിലയിൽ അതേ രീതിയിൽ തന്നെ പ്രതിഫലിക്കണമെന്നില്ല.
