ന്യൂഡല്ഹി: ഉത്തരവാദിത്തവും വിദ്യാഭ്യാസ പരിഷ്കരണങ്ങളും ആവശ്യപ്പെട്ട് പ്രതിഷേധിക്കുന്ന വിദ്യാര്ത്ഥികളെ മോദിസര്ക്കാര് രാജ്യവിരുദ്ധരായി കൈകാര്യം ചെയ്യുന്നെന്ന് കോര്ഗ്രസ് പാര്ലമെന്ററിപാര്ട്ടി ചെയര്പേഴ്സണ് സോണിയാഗാന്ധി. ധൈര്യത്തോടെ മുമ്പോട്ട് വന്ന യുവതയോടുള്ള മോദി സര്ക്കാരിന്റെ പ്രതികരണം ഭീരുത്വവും ക്രൂരത നിറഞ്ഞതുമാണെന്നും ഹിന്ദു പത്രത്തിന് നല്കിയ കോളത്തില് കുറിച്ചു.
കേന്ദ്രം പ്രതിഷേധിക്കുന്ന വിദ്യാര്ത്ഥികളെ കാണുന്നത് രാജ്യത്തിന്റെ ഭാവിയുടെ അവകാശികളായല്ല, മറിച്ച് ശത്രുക്കളായാണ്. വിദ്യാര്ത്ഥികള്ക്ക് നേരെ കടുത്ത മര്ദ്ദനമുറ നടന്ന ജൂലൈ 20 നെ കറുത്ത ദിനമായിട്ടാണ് സോണിയ വിശേഷിപ്പിച്ചത്. ഡല്ഹി പോലീസും സെന്ട്രല് ആംഡ് പോലീസ് ഫോഴ്സും ലാത്തിച്ചാര്ജ്ജും കണ്ണീര്വാതകവും പ്രയോഗിച്ച് പ്രതിഷേധങ്ങളെ അക്രമത്തിലൂടെ അടിച്ചമര്ത്താന് ശ്രമിക്കുന്നു. ചോദ്യപേപ്പര് ചോര്ച്ചയ്ക്കും വിദ്യാഭ്യാസ രംഗത്തെ മൊത്തത്തിലുള്ള തകര്ച്ചയ്ക്കുമെതിരെ ഇന്ത്യയിലുടനീളമുള്ള വിദ്യാര്ത്ഥികള് നടത്തുന്ന സമാധാനപരമായ പ്രതിഷേധങ്ങള് സമീപ ആഴ്ചകളില് ശക്തിപ്രാപിക്കുകയാണെന്നും സോണിയ ലേഖനത്തില് പറയുന്നു.
കേന്ദ്ര ആഭ്യന്തര മന്ത്രിക്കു കീഴില് പ്രവര്ത്തിക്കുന്ന പോലീസ് ഉദ്യോഗസ്ഥര് വിദ്യാര്ത്ഥി പ്രതിഷേധക്കാര്ക്ക് നേരെ അഴിച്ചുവിട്ട 'ക്രൂരത' ഈ ഭരണകൂടത്തിന് ഒട്ടും പുതിയതല്ല. 2020-ല് പൗരത്വ ഭേദഗതി നിയമത്തിന് എതിരേ നടന്ന പ്രതിഷേധത്തെ സായുധ പോലീസും അര്ദ്ധസൈനിക വിഭാഗങ്ങളും സര്വ്വകലാശാലാ കാമ്പസുകളില് എങ്ങിനെയാണ് നേരിട്ടതെന്ന് നമ്മളെല്ലാം വ്യക്തമായി ഓര്ക്കുന്നുണ്ട്. ഇന്ത്യയിലെ വനിതാ ഗുസ്തി താരങ്ങള്ക്കെതിരെ നടന്ന അസ്വീകാര്യമായ അതിക്രമങ്ങള് നമ്മുടെ ഓര്മ്മകളില് നിന്ന് ഒരിക്കലും മായ്ച്ചുകളയാനാവില്ലെന്നും കുറിപ്പില് വ്യക്തമാക്കുന്നു.
സമാധാനപരമായി പ്രതിഷേധിച്ച നിരവധി പേര്ക്ക് പരിക്കേറ്റതായും, പോലീസ് വിവേചനരഹിതമായി ലാത്തി വീശിയപ്പോള് വീട്ടിലേക്ക് മടങ്ങുകയായിരുന്ന വിദ്യാര്ത്ഥികളെപ്പോലും വെറുതെവിട്ടില്ലെന്നും ഗാന്ധി കുറിച്ചു. 'പെല്ലറ്റുകള് ഏറ്റ് ശരീരത്തില് മുറിവുകളുണ്ടായ യുവാക്കളുടെ ഏറ്റവും സങ്കടകരമായ ചില ദൃശ്യങ്ങള് രാജ്യം കണ്ടു, കേന്ദ്ര ആഭ്യന്തര മന്ത്രി അമിത് ഷാ തന്നെയായിരിക്കും അനുമതി നല്കിയിട്ടുണ്ടാവുകയെന്നും ലേഖനത്തില് ആരോപിച്ചിട്ടുണ്ട്.
വിയോജിപ്പുകളെ 'ദേശവിരുദ്ധം' എന്ന് മുദ്രകുത്തുന്ന സര്ക്കാരിന്റെ പഴയ 'ടൂള്കിറ്റ്' വിദ്യാര്ത്ഥി പ്രതിഷേധങ്ങളെ തകര്ക്കാനായി വീണ്ടും ഉപയോഗിക്കുകയാണെന്നും അവര് ചൂണ്ടിക്കാട്ടി. പ്രതിഷേധങ്ങള്ക്ക് കാരണമായ തങ്ങളുടെ നയങ്ങളെക്കുറിച്ച് സ്വയം വിലയിരുത്തുന്നതിന് പകരം, കുറ്റപ്പെടുത്തലുകള് നടത്താനും ഗൂഢാലോചനകള് പ്രചരിപ്പിക്കാനുമായി മോദി സര്ക്കാര് തങ്ങളുടെ പഴയ തന്ത്രങ്ങളുടെ ബാഗിലേക്ക് കൈനീട്ടിയിരിക്കുകയാണെന്നും എന്നാല് രാജ്യത്തെ വിദ്യാര്ത്ഥികള് മോദി ഭരണകൂടത്തിന്റെ കള്ളത്തരം പൊളിച്ചടുക്കിയെന്നും അവകാശപ്പെട്ടു.
കേന്ദ്രം പ്രതിഷേധിക്കുന്ന വിദ്യാര്ത്ഥികളെ കാണുന്നത് രാജ്യത്തിന്റെ ഭാവിയുടെ അവകാശികളായല്ല, മറിച്ച് ശത്രുക്കളായാണ്. വിദ്യാര്ത്ഥികള്ക്ക് നേരെ കടുത്ത മര്ദ്ദനമുറ നടന്ന ജൂലൈ 20 നെ കറുത്ത ദിനമായിട്ടാണ് സോണിയ വിശേഷിപ്പിച്ചത്. ഡല്ഹി പോലീസും സെന്ട്രല് ആംഡ് പോലീസ് ഫോഴ്സും ലാത്തിച്ചാര്ജ്ജും കണ്ണീര്വാതകവും പ്രയോഗിച്ച് പ്രതിഷേധങ്ങളെ അക്രമത്തിലൂടെ അടിച്ചമര്ത്താന് ശ്രമിക്കുന്നു. ചോദ്യപേപ്പര് ചോര്ച്ചയ്ക്കും വിദ്യാഭ്യാസ രംഗത്തെ മൊത്തത്തിലുള്ള തകര്ച്ചയ്ക്കുമെതിരെ ഇന്ത്യയിലുടനീളമുള്ള വിദ്യാര്ത്ഥികള് നടത്തുന്ന സമാധാനപരമായ പ്രതിഷേധങ്ങള് സമീപ ആഴ്ചകളില് ശക്തിപ്രാപിക്കുകയാണെന്നും സോണിയ ലേഖനത്തില് പറയുന്നു.
കേന്ദ്ര ആഭ്യന്തര മന്ത്രിക്കു കീഴില് പ്രവര്ത്തിക്കുന്ന പോലീസ് ഉദ്യോഗസ്ഥര് വിദ്യാര്ത്ഥി പ്രതിഷേധക്കാര്ക്ക് നേരെ അഴിച്ചുവിട്ട 'ക്രൂരത' ഈ ഭരണകൂടത്തിന് ഒട്ടും പുതിയതല്ല. 2020-ല് പൗരത്വ ഭേദഗതി നിയമത്തിന് എതിരേ നടന്ന പ്രതിഷേധത്തെ സായുധ പോലീസും അര്ദ്ധസൈനിക വിഭാഗങ്ങളും സര്വ്വകലാശാലാ കാമ്പസുകളില് എങ്ങിനെയാണ് നേരിട്ടതെന്ന് നമ്മളെല്ലാം വ്യക്തമായി ഓര്ക്കുന്നുണ്ട്. ഇന്ത്യയിലെ വനിതാ ഗുസ്തി താരങ്ങള്ക്കെതിരെ നടന്ന അസ്വീകാര്യമായ അതിക്രമങ്ങള് നമ്മുടെ ഓര്മ്മകളില് നിന്ന് ഒരിക്കലും മായ്ച്ചുകളയാനാവില്ലെന്നും കുറിപ്പില് വ്യക്തമാക്കുന്നു.
സമാധാനപരമായി പ്രതിഷേധിച്ച നിരവധി പേര്ക്ക് പരിക്കേറ്റതായും, പോലീസ് വിവേചനരഹിതമായി ലാത്തി വീശിയപ്പോള് വീട്ടിലേക്ക് മടങ്ങുകയായിരുന്ന വിദ്യാര്ത്ഥികളെപ്പോലും വെറുതെവിട്ടില്ലെന്നും ഗാന്ധി കുറിച്ചു. 'പെല്ലറ്റുകള് ഏറ്റ് ശരീരത്തില് മുറിവുകളുണ്ടായ യുവാക്കളുടെ ഏറ്റവും സങ്കടകരമായ ചില ദൃശ്യങ്ങള് രാജ്യം കണ്ടു, കേന്ദ്ര ആഭ്യന്തര മന്ത്രി അമിത് ഷാ തന്നെയായിരിക്കും അനുമതി നല്കിയിട്ടുണ്ടാവുകയെന്നും ലേഖനത്തില് ആരോപിച്ചിട്ടുണ്ട്.
വിയോജിപ്പുകളെ 'ദേശവിരുദ്ധം' എന്ന് മുദ്രകുത്തുന്ന സര്ക്കാരിന്റെ പഴയ 'ടൂള്കിറ്റ്' വിദ്യാര്ത്ഥി പ്രതിഷേധങ്ങളെ തകര്ക്കാനായി വീണ്ടും ഉപയോഗിക്കുകയാണെന്നും അവര് ചൂണ്ടിക്കാട്ടി. പ്രതിഷേധങ്ങള്ക്ക് കാരണമായ തങ്ങളുടെ നയങ്ങളെക്കുറിച്ച് സ്വയം വിലയിരുത്തുന്നതിന് പകരം, കുറ്റപ്പെടുത്തലുകള് നടത്താനും ഗൂഢാലോചനകള് പ്രചരിപ്പിക്കാനുമായി മോദി സര്ക്കാര് തങ്ങളുടെ പഴയ തന്ത്രങ്ങളുടെ ബാഗിലേക്ക് കൈനീട്ടിയിരിക്കുകയാണെന്നും എന്നാല് രാജ്യത്തെ വിദ്യാര്ത്ഥികള് മോദി ഭരണകൂടത്തിന്റെ കള്ളത്തരം പൊളിച്ചടുക്കിയെന്നും അവകാശപ്പെട്ടു.
Comments