പത്തനംതിട്ട: സംസ്ഥാനത്ത് മഴക്കെടുതി അതിരൂക്ഷമായതോടെ സര്ക്കാരിനോട് അടിയന്തര സഹായം അഭ്യര്ത്ഥിച്ച് പത്തനംതിട്ടയിലെ ഭരണപക്ഷ എം.എല്.എമാര് രംഗത്ത്. റാന്നി എം.എല്.എ പഴകുളം മധുവിന് പിന്നാലെ ആറന്മുള എം.എല്.എ അബിന് വര്ക്കിയും കൂടുതല് ദുരിതാശ്വാസ പ്രവര്ത്തനങ്ങള്ക്കായി സര്ക്കാരിനെ സമീപിച്ചു. ആറന്മുള മണ്ഡലത്തിലേക്ക് കൂടുതല് സര്ക്കാര് സഹായം വേണമെന്നാണ് അദ്ദേഹത്തിന്റെ പ്രധാന ആവശ്യം.
റാന്നിയില് കയറിവരുന്ന വെള്ളം മുഴുവന് ഒഴുകിയെത്തുന്നത് ആറന്മുളയിലേക്കാണെന്ന് അബിന് വര്ക്കി ചൂണ്ടിക്കാണിക്കുന്നു. റാന്നിയില് ജലനിരപ്പ് കുറയുന്നതനുസരിച്ച് ആറന്മുളയില് വെള്ളം കൂടുന്ന സാഹചര്യമാണുള്ളത്. നിയോജകമണ്ഡലത്തിലെ വിവിധ പഞ്ചായത്തുകളില് വലിയ ദുരന്തമാണ് ഇതിനകം ഉണ്ടായിരിക്കുന്നത്. റവന്യൂ വകുപ്പ് കുറച്ചുകൂടി കാര്യക്ഷമമായി ഇടപെടണമെന്നും മണ്ഡലത്തില് ദുരിതാശ്വാസ നടപടികള് വേഗത്തിലാക്കണമെന്നും അദ്ദേഹം ആവശ്യപ്പെട്ടു.
കനത്ത മഴയില് പമ്പാനദിയില് ജലനിരപ്പുയര്ന്ന് റാന്നി നഗരം പൂര്ണ്ണമായും വെള്ളത്തിനടിയിലായിരുന്നു. വെറും 24 മണിക്കൂറിനുള്ളില് 339 മില്ലീമീറ്റര് മഴയാണ് റാന്നിയില് പെയ്തിറങ്ങിയത്. 2018-ലെ പ്രളയത്തിന് സമാനമായ സാഹചര്യത്തിലൂടെയാണ് നഗരം കടന്നുപോയത്. രാവിലെ ജലനിരപ്പ് താഴ്ന്നുതുടങ്ങിയെങ്കിലും മേഖലയിലെ വ്യാപാരികള്ക്ക് ഭീമമായ നാശനഷ്ടമാണ് ഇതുമൂലം ഉണ്ടായിട്ടുള്ളത്.
ഓണക്കാലമായതിനാല് മിക്ക കടകളിലും വന്തോതില് സാധനങ്ങള് സ്റ്റോക്ക് ചെയ്തിരുന്നു. എന്നാല് അപ്രതീക്ഷിതമായി വെള്ളം കയറിയതിനാല് കച്ചവട സാധനങ്ങള് ഒന്നും സുരക്ഷിത സ്ഥാനത്തേക്ക് മാറ്റാന് വ്യാപാരികള്ക്ക് സാവകാശം ലഭിച്ചില്ല. വ്യാപാരികള്ക്കുണ്ടായ നാശനഷ്ടങ്ങളുടെ കണക്കെടുക്കണമെന്നും അര്ഹമായ നഷ്ടപരിഹാരം ഉറപ്പാക്കണമെന്നും ജില്ലാ ഭരണകൂടത്തോട് ആവശ്യപ്പെട്ടിട്ടുണ്ടെന്ന് റാന്നി എം.എല്.എ പഴകുളം മധുവും വ്യക്തമാക്കിയിട്ടുണ്ട്.
റാന്നിയില് കയറിവരുന്ന വെള്ളം മുഴുവന് ഒഴുകിയെത്തുന്നത് ആറന്മുളയിലേക്കാണെന്ന് അബിന് വര്ക്കി ചൂണ്ടിക്കാണിക്കുന്നു. റാന്നിയില് ജലനിരപ്പ് കുറയുന്നതനുസരിച്ച് ആറന്മുളയില് വെള്ളം കൂടുന്ന സാഹചര്യമാണുള്ളത്. നിയോജകമണ്ഡലത്തിലെ വിവിധ പഞ്ചായത്തുകളില് വലിയ ദുരന്തമാണ് ഇതിനകം ഉണ്ടായിരിക്കുന്നത്. റവന്യൂ വകുപ്പ് കുറച്ചുകൂടി കാര്യക്ഷമമായി ഇടപെടണമെന്നും മണ്ഡലത്തില് ദുരിതാശ്വാസ നടപടികള് വേഗത്തിലാക്കണമെന്നും അദ്ദേഹം ആവശ്യപ്പെട്ടു.
കനത്ത മഴയില് പമ്പാനദിയില് ജലനിരപ്പുയര്ന്ന് റാന്നി നഗരം പൂര്ണ്ണമായും വെള്ളത്തിനടിയിലായിരുന്നു. വെറും 24 മണിക്കൂറിനുള്ളില് 339 മില്ലീമീറ്റര് മഴയാണ് റാന്നിയില് പെയ്തിറങ്ങിയത്. 2018-ലെ പ്രളയത്തിന് സമാനമായ സാഹചര്യത്തിലൂടെയാണ് നഗരം കടന്നുപോയത്. രാവിലെ ജലനിരപ്പ് താഴ്ന്നുതുടങ്ങിയെങ്കിലും മേഖലയിലെ വ്യാപാരികള്ക്ക് ഭീമമായ നാശനഷ്ടമാണ് ഇതുമൂലം ഉണ്ടായിട്ടുള്ളത്.
ഓണക്കാലമായതിനാല് മിക്ക കടകളിലും വന്തോതില് സാധനങ്ങള് സ്റ്റോക്ക് ചെയ്തിരുന്നു. എന്നാല് അപ്രതീക്ഷിതമായി വെള്ളം കയറിയതിനാല് കച്ചവട സാധനങ്ങള് ഒന്നും സുരക്ഷിത സ്ഥാനത്തേക്ക് മാറ്റാന് വ്യാപാരികള്ക്ക് സാവകാശം ലഭിച്ചില്ല. വ്യാപാരികള്ക്കുണ്ടായ നാശനഷ്ടങ്ങളുടെ കണക്കെടുക്കണമെന്നും അര്ഹമായ നഷ്ടപരിഹാരം ഉറപ്പാക്കണമെന്നും ജില്ലാ ഭരണകൂടത്തോട് ആവശ്യപ്പെട്ടിട്ടുണ്ടെന്ന് റാന്നി എം.എല്.എ പഴകുളം മധുവും വ്യക്തമാക്കിയിട്ടുണ്ട്.
Comments