സർഗ്ഗാത്മകതയ്ക്ക് വേദിയൊരുക്കി ജിദ്ദ ഇന്ത്യന്‍ കോണ്‍സുലേറ്റ്. ചിത്രരചന, ഫോട്ടോഗ്രാഫി, ക്വിസ് മത്സരങ്ങള്‍.

ജിദ്ദ: ഇന്ത്യയുടെ 80-ാമത് സ്വാതന്ത്ര്യദിനാഘോഷങ്ങൾക്ക് കൂടുതൽ നിറം പകരാൻ ജിദ്ദയിലെ ഇന്ത്യൻ കോൺസുലേറ്റ് വെസ്റ്റേൺ റീജിയണിലെ ഇന്ത്യൻ പ്രവാസികൾക്കായി ചിത്രരചന, ഫോട്ടോഗ്രാഫി, ക്വിസ് മത്സരങ്ങൾ സംഘടിപ്പിക്കുന്നു. സർഗാത്മകതയും ദേശസ്നേഹവും ഒരേ വേദിയിൽ സംഗമിക്കുന്ന ഈ മത്സരങ്ങൾ എല്ലാ പ്രായവിഭാഗങ്ങൾക്കും തുറന്നതാണ്.

'വികസിത് ഭാരത് 2047' ചിത്രരചനാ മത്സരം എന്ന ആശയമാണ് ഇത്തവണത്തെ പ്രധാന ആകർഷണം. സ്വാതന്ത്ര്യത്തിന്റെ നൂറാം വാർഷികം ആഘോഷിക്കുന്ന 2047-ലെ ഇന്ത്യയെ ഓരോരുത്തരും എങ്ങനെ സ്വപ്നം കാണുന്നു എന്നത് വർണങ്ങളിലൂടെ ആവിഷ്കരിക്കാനുള്ള അപൂർവ അവസരമാണിത്. വികസിതവും നവീനവും ആത്മനിർഭരവുമായ ഇന്ത്യയെക്കുറിച്ചുള്ള പ്രതീക്ഷകളും സങ്കൽപ്പങ്ങളും കലാസൃഷ്ടികളായി വിരിയുമെന്ന് കോൺസുലേറ്റ് പ്രതീക്ഷിക്കുന്നു.

കലയോടുള്ള അഭിരുചിയും രാഷ്ട്രസ്നേഹവും ഒരുപോലെ പ്രകടിപ്പിക്കാൻ കഴിയുന്ന ഈ വേദിയിൽ പങ്കെടുക്കാൻ എല്ലാ പ്രായക്കാരായ പ്രവാസികളെയും കോൺസുലേറ്റ് ക്ഷണിച്ചിട്ടുണ്ട്.

വിഷയം: വികസിതവും സമഗ്രവും നൂതനവുമായ ഭാരതം (#ViksitBharat2047).
രജിസ്ട്രേഷന്‍ ലിങ്ക്: https://qr.codes/8Y0xMQ

'ഇന്ത്യ ത്രൂ മൈ ലെന്‍സ്' ഫോട്ടോഗ്രാഫി മത്സരം

ഇന്ത്യയുടെ സംസ്‌കാരം, വൈവിധ്യം, പ്രകൃതിഭംഗി, ജനജീവിതം എന്നിവ ക്യാമറയില്‍ പകര്‍ത്തി അയക്കാനുള്ള അവസരമാണ് ഫോട്ടോഗ്രാഫി പ്രിയര്‍ക്കായി കോണ്‍സുലേറ്റ് ഒരുക്കിയിരിക്കുന്നത്.

വിഷയം: വൈവിധ്യത്തിലെ ഏകത്വം, പാരമ്പര്യം, പ്രകൃതിദൃശ്യങ്ങള്‍, ദൈനംദിന നിമിഷങ്ങള്‍.

രജിസ്ട്രേഷന്‍ ലിങ്ക്: https://bit.ly/4fyQy3J

മത്സര വിവരങ്ങള്‍:
അവസാന തീയതി: 2026 ഓഗസ്റ്റ് 10