കോഴിക്കോട് : വടകര എം.ഡി.എം.എ കേസില്‍ അദ്ധ്യാപിക കീര്‍ത്തനയ്ക്ക് എതിരേ അനേകം നിര്‍ണ്ണായക തെളിവുകള്‍ ഉണ്ടെന്ന് പോലീസ്. ഇന്ന് കസ്റ്റഡി കാലാവധി അവസാനിക്കാനിരിക്കെ വൈകിട്ട് കീര്‍ത്തനയെ കോടതിയില്‍ ഹാജരാക്കും. ഇവര്‍ ലഹരി ഇടപാടിനായി വിദ്യാര്‍ത്ഥികളെ ഉപയോഗിച്ചോ ഇരകളാക്കി മാറ്റിയോ തുടങ്ങിയ കാര്യങ്ങളിലെ അന്വേഷണത്തിലാണ് പോലീസ്.
കഴിഞ്ഞ ദിവസം കീര്‍ത്തന തനിക്ക് കേസുമായി ബന്ധമില്ലെന്ന് മാധ്യമങ്ങളോട് പറഞ്ഞിരുന്നു. എന്നാല്‍ ഇവരുടെ ഫോണില്‍ നിന്നും മയക്കുമരുന്ന് സംഘങ്ങളുമായി ബന്ധമുണ്ടെന്ന് സംശയിക്കാന്‍ കഴിയുന്ന ചാറ്റുകളും ഗൂഗിള്‍പേ ഇടപാടുകളും കണ്ടെത്തിയതായിട്ടാണ് പോലീസ് പറയുന്നത്. കേസില്‍ കീര്‍ത്തനയുടെ ഫോണ്‍ പോലീസ് പരിശോധനയ്ക്ക വിധേയമാക്കിയിരുന്നു.
ഇതില്‍ ഇവര്‍ മയക്കുമരുന്ന ആവശ്യപ്പെടുന്നതിന്റെയും പണം ഇടപാടിന്റെയും നിര്‍ണ്ണായക ചാറ്റുകള്‍ കണ്ടെത്തിയെന്നാണ് പോലീസിന്റെ ഭാഷ്യം. ഫോണ്‍ വെച്ച് പോലീസ് അന്വേഷണം ഊര്‍ജ്ജിതമാക്കിയതിനെ തുടര്‍ന്ന് ലഹരി ആവശ്യപ്പെട്ട് ഫോണില്‍ നിന്നും നടത്തിയ മെസേജും ഗൂഗിള്‍പേയിലൂടെ പണം നല്‍കിയ വിവരം പോലീസ് കണ്ടെത്തിയെന്നാണ് വിവരം.
നിര്‍ണ്ണായക കണ്ണിയാണെന്നും വന്‍കിട സംഘങ്ങളുമായി കീര്‍ത്തനയ്ക്ക് ബന്ധമുണ്ടെന്നതിനെയാണ് സൂചിപ്പിക്കുന്നതെന്ന് പോലീസ് കരുതുന്നു. നിര്‍ണ്ണായകമായ പല തെളിവുകളും കിട്ടിയതായിട്ടാണ് വിവരം. കേസില്‍ നിര്‍ണ്ണായക കണ്ണിയാണ് കീര്‍ത്തന. ഇവര്‍ക്കൊപ്പം മറ്റ് രണ്ട് അദ്ധ്യാപികമാര്‍ കൂടി അന്വേഷണത്തിന്റെ പരിധിയിലാണ്. ബിആര്‍സിയിലെ കരാര്‍ അദ്ധ്യാപികമാരാണ് ഇവര്‍. ഇന്ന് വൈകിട്ട് അഞ്ചുമണിക്ക് കോടതിയില്‍ ഹാജരാക്കുമെന്നാണ് വിവരം.
Comments