കൊച്ചി: പ്രതിപക്ഷ നേതാവ് പിണറായി വിജയന്റെ തിരുവനന്തപുരത്തെ വീട്ടില് റെയ്ഡിനെത്തിയ ഇ.ഡി. ഉദ്യോഗസ്ഥരെ ആക്രമിച്ച കേസില് അന്വേഷണ സംഘം വിപുലീകരിച്ചു. ഗൂഢാലോചന അന്വേഷിക്കുന്നതിന്റെ ഭാഗമായി സംസ്ഥാന സെക്രട്ടറി എം.വി. ഗോവിന്ദന് ഉള്പ്പെടെയുള്ള സി.പി.എം. നേതാക്കളെ ചോദ്യം ചെയ്യും. ഫോണ് കോളുകള് കേന്ദ്രീകരിച്ചാണ് പ്രത്യേക സംഘത്തിന്റെ അന്വേഷണം.
കേസിന്റെ ഗൗരവവും ഗൂഢാലോചനയും കണക്കിലെടുത്താണ് കൂടുതല് എസ്.ഐമാരെയും സി.പി.ഒമാരെയും ഉള്പ്പെടുത്തി അന്വേഷണ സംഘം വിപുലീകരിച്ചത്.തിരുവനന്തപുരം ജില്ലാ സെക്രട്ടറി വി. ജോയ്, മുന്മന്ത്രി വി. ശിവന്കുട്ടി എന്നിവര്ക്ക് അടുത്ത ആഴ്ച ചോദ്യംചെയ്യലിന് ഹാജരാകാന് നോട്ടീസ് നല്കും. ഇ.ഡി. ഉദ്യോഗസ്ഥരെ ആക്രമിച്ച സംഭവത്തിന് പിന്നില് ഗൂഢാലോചന നടന്നിട്ടുണ്ടോ എന്നും ആക്രമണത്തിന് പിന്നില് ആസൂത്രിത ഇടപെടലുകളോ പ്രേരണയോ ഉണ്ടോ എന്നുമാണ് പ്രത്യേക സംഘം അന്വേഷിക്കുന്നത്. സി.പി.എം. നേതാക്കളുടെ ഫോണ് കോളുകളുടെ സൈബര് ഫോറന്സിക് പരിശോധനാ ഫലം കേസില് നിര്ണായകമാകും.
Comments