കടം വീട്ടാൻ അമ്മയുടെ സ്വർണമാല പൊട്ടിച്ചു; മകനും സുഹൃത്തും പിടിയിൽ , സം​ഭവം കോട്ടയത്ത്

കോട്ടയം : വീട്ടമ്മയുടെ രണ്ടു പവൻ തൂക്കമുള്ള താലിമാല കടം വീട്ടുന്നതിനായി പൊട്ടിച്ചെടുത്ത കേസിൽ മകനെയും, വിൽക്കാൻ സഹായിച്ച ആളിനെയും കാഞ്ഞിരപ്പള്ളി പൊലീസ് അറസ്റ്റ് ചെയ്തു. തീക്കോയി മരാമറ്റത്തിൽ ഹൗസിൽ ടോജൻ കുര്യൻ (26), അരുവിത്തറ ചേലപീരുപറമ്പിൽ മുഹമ്മദ് ഷംഷാദ് അൽത്താഫ് (41) എന്നിവരാണ് അറസ്റ്റിലായത്.

അമ്മയുടെ കഴുത്തിൽ കിടന്ന മാല വീട്ടിനകത്തു വച്ച് ടോജൻ കുര്യൻ പൊട്ടിച്ച് ഓടി കളയുകയായിരുന്നു. മുഹമ്മദ് ഷംഷാദ് അൽത്താഫിന്റെ സഹായത്തോടെ ഈരാറ്റുപേട്ടയിലുള്ള ധനകാര്യ സ്ഥാപനത്തിൽ മാല പണയം വച്ച് പൈസ വാങ്ങി. ബാക്കി തുക കടം വീട്ടാനുള്ളവർക്കു നൽകി. മുഹമ്മദ് ഷംഷാദ് അൽത്താഫ് നിരവധി മോഷണക്കേസുകളിൽ ജയിലിൽ കിടന്നിട്ടുള്ള ആളാണെന്നു പൊലീസ് പറഞ്ഞു.