മാഡ്രിഡ്: ലോകകപ്പിന്റെ ആരവത്തിന് പിന്നാലെ അവധിക്കാലവും കഴിഞ്ഞ് യൂറോപ്യന് ഫുട്ബോളില് ഇന്നു മുതല് പന്തുരുണ്ടു തുടങ്ങും. ലോകഫുട്ബോളിലെ ഏറ്റവും കാഠിന്യമേറിയ പോരാട്ടം നടക്കുന്ന യൂറോപ്പില് സ്പാനിഷ്ലീഗിലാണ് ആദ്യം മത്സരം തുടങ്ങുന്നത്. ഈ വാരാന്ത്യത്തില് ആരംഭിക്കുന്ന ലാലിഗയില് റയലിന്റെയും ബാഴ്സിലോണയുടെയും മാറ്റങ്ങളാണ് ചര്ച്ചാവിഷയം.
റയല് മാഡ്രിഡിന്റെ പരിശീലകനായി 13 വര്ഷങ്ങള്ക്ക് ശേഷം ഹോസെ മൊറീഞ്ഞോ തിരിച്ചെത്തുന്നു എന്നതാണ് സ്പാനിഷ് ലാലിഗയിലെ ഏറ്റവും വലിയ വിശേഷം. 2024-ല് കിളിയന് എംബാപ്പെയെ ടീമിലെത്തിച്ചപ്പോള് റയല് മാഡ്രിഡ് ലാ ലിഗയിലും ചാമ്പ്യന്സ് ലീഗിലും ആധിപത്യം പുലര്ത്തുമെന്ന് പലരും കരുതിയിരുന്നു. എന്നാല് പ്രതിരോധം പാളി. ഒരു വശത്ത് നാല് സൂപ്പര്സ്റ്റാര് മുന്നേറ്റനിരക്കാരും, മറു വശത്ത് എതിരാളികളുടെ പ്രത്യാക്രമണങ്ങള്ക്ക് മുന്നില് പതറുന്ന പ്രതിരോധനിരയുമായിരുന്നു ടീമിന്റെ ദൗര്ബല്യം.
പുതിയ കളിക്കാരായ മാര്ക്ക് കുക്കുറെല്ല, ഇബ്രാഹിമ കൊനാറ്റെ, ഡെന്സല് ഡംഫ്രൈസ്, ബെര്ണാര്ഡോ സില്വ എന്നിവരുടെ വരവ് പ്രതിരോധ നിരയെ ശക്തമാക്കാന് സഹായിച്ചേക്കും. മുന്നേറ്റനിരയ്ക്ക് കൂടുതല് കരുത്തേകാന് യാന് ഡിയോമാണ്ടെയുമുണ്ട്. ആര്സനലിലേക്ക് ചേക്കേറുമെന്ന അഭ്യൂഹങ്ങള്ക്കിടെ വിനീഷ്യസ് ജൂനിയര് ക്ലബ്ബുമായി പുതിയ കരാറില് ഒപ്പുവെച്ചു.
വയസ്സനായ മൊറീഞ്ഞോയുടെ പ്രതാപകാലം കഴിഞ്ഞുവെന്ന് ചിലര് വാദിക്കുന്നുണ്ട് മുന്പ് ബര്ണബ്യുവില് നിന്ന് പടികളിറങ്ങേണ്ടി വന്ന മൊറീഞ്ഞോയ്ക്ക് എംബാപ്പെ, ജൂഡ് ബെല്ലിംഗ്ഹാം, വിനീഷ്യസ് എന്നിവരുടെ അഹങ്കാരങ്ങളെ കൈകാര്യം ചെയ്യാന് സാധിക്കുമോ എന്നതാണ് പ്രധാനം. ഹാന്സി ഫ്ലിക്കിന്റെ ബാഴ്സലോണ കഴിഞ്ഞ സീസണില് തൊട്ടുമുന്പത്തെ സീസണിലെത്ര ശക്തരല്ലായിരുന്നുവെങ്കിലും, സ്പാനിഷ് ലോകകപ്പ് വിജയികള് നിറഞ്ഞ അവരുടെ സ്ക്വാഡ് ഇപ്പോഴും തുടര്ച്ചയായ മൂന്നാം ലീഗ് കിരീടം നേടാന് സാധ്യതയുള്ള പ്രിയപ്പെട്ട ടീമാണ്. റോബര്ട്ട് ലെവന്ഡോവ്സ്കിയുടെ ഗോളുകള്ക്ക് പകരം വെയ്ക്കാന് എളുപ്പമല്ലെങ്കിലും ആന്റണി ഗോര്ഡന്, കരീം അഡെയെമി എന്നിവരുടെ വരവ് ടീമിന് ആശ്വാസമാണ്.
പതിവുപോലെ അത്ലറ്റിക്കോ മാഡ്രിഡ് ആദ്യ രണ്ട് സ്ഥാനങ്ങളിലേക്ക് കടന്നുകൂടാന് ശ്രമിക്കും. വിയ്യാറയലും റയല് ബെറ്റിസും തൊട്ടുപിന്നിലുണ്ട്. മൂന്നാം ഡിവിഷനില് നിന്ന് പോരാടി മുന്നേറിയ മലാഗ ക്ലബ്ബ്, കുറഞ്ഞ ബജറ്റിലുള്ള ശക്തമായ ടീമുമായി തരംതാഴ്ത്തപ്പെടല് ഒഴിവാക്കാന് പോരാടും. 2020 മുതല് ജുഡീഷ്യല് ഭരണത്തിന് കീഴിലാണ് ഈ ക്ലബ്ബ്.
വലന്സിയ തങ്ങളുടെ ഐക്കണിക് സ്റ്റേഡിയമായ 'മെസ്റ്റാല്ല'യിലെ അവസാന സീസണ് കളിക്കുമ്പോള് ആരാധകര്ക്ക് അത് കണ്ണീരണിയിക്കുന്ന നിമിഷമായിരിക്കും. എന്നാല് യുവേഫ കോണ്ഫറന്സ് ലീഗ് റണ്ണേഴ്സ് അപ്പായ റയോ വല്ലെക്കാനോയ്ക്ക് ഇനി സ്വന്തം തട്ടകത്തില് മത്സരങ്ങള് കളിക്കാന് കഴിയുമോ എന്ന് ഉറപ്പില്ല. ജീര്ണ്ണിച്ച അവസ്ഥയിലായതിനാല്, വാടകയ്ക്കെടുത്ത വല്ലെക്കാസ് സ്റ്റേഡിയത്തില് മത്സരങ്ങള് നടത്താനുള്ള ക്ലബ്ബിന്റെ ലൈസന്സ് മാഡ്രിഡ് പ്രാദേശിക സര്ക്കാര് റദ്ദാക്കിയിട്ടുണ്ട്. ഓഗസ്റ്റ് 15 ശനിയാഴ്ച അലാവസും ഗറ്റാഫേയും തമ്മിലുള്ള ഏറ്റുമുട്ടലോടെയാണ് സ്പാനിഷ് ലാലിഗയില് പന്തുരുണ്ട് തുടങ്ങുക.
റയല് മാഡ്രിഡിന്റെ പരിശീലകനായി 13 വര്ഷങ്ങള്ക്ക് ശേഷം ഹോസെ മൊറീഞ്ഞോ തിരിച്ചെത്തുന്നു എന്നതാണ് സ്പാനിഷ് ലാലിഗയിലെ ഏറ്റവും വലിയ വിശേഷം. 2024-ല് കിളിയന് എംബാപ്പെയെ ടീമിലെത്തിച്ചപ്പോള് റയല് മാഡ്രിഡ് ലാ ലിഗയിലും ചാമ്പ്യന്സ് ലീഗിലും ആധിപത്യം പുലര്ത്തുമെന്ന് പലരും കരുതിയിരുന്നു. എന്നാല് പ്രതിരോധം പാളി. ഒരു വശത്ത് നാല് സൂപ്പര്സ്റ്റാര് മുന്നേറ്റനിരക്കാരും, മറു വശത്ത് എതിരാളികളുടെ പ്രത്യാക്രമണങ്ങള്ക്ക് മുന്നില് പതറുന്ന പ്രതിരോധനിരയുമായിരുന്നു ടീമിന്റെ ദൗര്ബല്യം.
പുതിയ കളിക്കാരായ മാര്ക്ക് കുക്കുറെല്ല, ഇബ്രാഹിമ കൊനാറ്റെ, ഡെന്സല് ഡംഫ്രൈസ്, ബെര്ണാര്ഡോ സില്വ എന്നിവരുടെ വരവ് പ്രതിരോധ നിരയെ ശക്തമാക്കാന് സഹായിച്ചേക്കും. മുന്നേറ്റനിരയ്ക്ക് കൂടുതല് കരുത്തേകാന് യാന് ഡിയോമാണ്ടെയുമുണ്ട്. ആര്സനലിലേക്ക് ചേക്കേറുമെന്ന അഭ്യൂഹങ്ങള്ക്കിടെ വിനീഷ്യസ് ജൂനിയര് ക്ലബ്ബുമായി പുതിയ കരാറില് ഒപ്പുവെച്ചു.
വയസ്സനായ മൊറീഞ്ഞോയുടെ പ്രതാപകാലം കഴിഞ്ഞുവെന്ന് ചിലര് വാദിക്കുന്നുണ്ട് മുന്പ് ബര്ണബ്യുവില് നിന്ന് പടികളിറങ്ങേണ്ടി വന്ന മൊറീഞ്ഞോയ്ക്ക് എംബാപ്പെ, ജൂഡ് ബെല്ലിംഗ്ഹാം, വിനീഷ്യസ് എന്നിവരുടെ അഹങ്കാരങ്ങളെ കൈകാര്യം ചെയ്യാന് സാധിക്കുമോ എന്നതാണ് പ്രധാനം. ഹാന്സി ഫ്ലിക്കിന്റെ ബാഴ്സലോണ കഴിഞ്ഞ സീസണില് തൊട്ടുമുന്പത്തെ സീസണിലെത്ര ശക്തരല്ലായിരുന്നുവെങ്കിലും, സ്പാനിഷ് ലോകകപ്പ് വിജയികള് നിറഞ്ഞ അവരുടെ സ്ക്വാഡ് ഇപ്പോഴും തുടര്ച്ചയായ മൂന്നാം ലീഗ് കിരീടം നേടാന് സാധ്യതയുള്ള പ്രിയപ്പെട്ട ടീമാണ്. റോബര്ട്ട് ലെവന്ഡോവ്സ്കിയുടെ ഗോളുകള്ക്ക് പകരം വെയ്ക്കാന് എളുപ്പമല്ലെങ്കിലും ആന്റണി ഗോര്ഡന്, കരീം അഡെയെമി എന്നിവരുടെ വരവ് ടീമിന് ആശ്വാസമാണ്.
പതിവുപോലെ അത്ലറ്റിക്കോ മാഡ്രിഡ് ആദ്യ രണ്ട് സ്ഥാനങ്ങളിലേക്ക് കടന്നുകൂടാന് ശ്രമിക്കും. വിയ്യാറയലും റയല് ബെറ്റിസും തൊട്ടുപിന്നിലുണ്ട്. മൂന്നാം ഡിവിഷനില് നിന്ന് പോരാടി മുന്നേറിയ മലാഗ ക്ലബ്ബ്, കുറഞ്ഞ ബജറ്റിലുള്ള ശക്തമായ ടീമുമായി തരംതാഴ്ത്തപ്പെടല് ഒഴിവാക്കാന് പോരാടും. 2020 മുതല് ജുഡീഷ്യല് ഭരണത്തിന് കീഴിലാണ് ഈ ക്ലബ്ബ്.
വലന്സിയ തങ്ങളുടെ ഐക്കണിക് സ്റ്റേഡിയമായ 'മെസ്റ്റാല്ല'യിലെ അവസാന സീസണ് കളിക്കുമ്പോള് ആരാധകര്ക്ക് അത് കണ്ണീരണിയിക്കുന്ന നിമിഷമായിരിക്കും. എന്നാല് യുവേഫ കോണ്ഫറന്സ് ലീഗ് റണ്ണേഴ്സ് അപ്പായ റയോ വല്ലെക്കാനോയ്ക്ക് ഇനി സ്വന്തം തട്ടകത്തില് മത്സരങ്ങള് കളിക്കാന് കഴിയുമോ എന്ന് ഉറപ്പില്ല. ജീര്ണ്ണിച്ച അവസ്ഥയിലായതിനാല്, വാടകയ്ക്കെടുത്ത വല്ലെക്കാസ് സ്റ്റേഡിയത്തില് മത്സരങ്ങള് നടത്താനുള്ള ക്ലബ്ബിന്റെ ലൈസന്സ് മാഡ്രിഡ് പ്രാദേശിക സര്ക്കാര് റദ്ദാക്കിയിട്ടുണ്ട്. ഓഗസ്റ്റ് 15 ശനിയാഴ്ച അലാവസും ഗറ്റാഫേയും തമ്മിലുള്ള ഏറ്റുമുട്ടലോടെയാണ് സ്പാനിഷ് ലാലിഗയില് പന്തുരുണ്ട് തുടങ്ങുക.
Comments