ഓണക്കാലത്ത് കേരളത്തിലേക്ക് റെയിൽവേയുടെ പ്രത്യേക യാത്രാ സൗകര്യം; 112 സ്പെഷ്യൽ ട്രെയിൻ സർവീസുകൾ പ്രഖ്യാപിച്ചു

തിരുവനന്തപുരം: ഓണക്കാലത്തെ യാത്രാ തിരക്ക് മുൻനിർത്തി കേരളത്തിലേക്ക് 112 സ്പെഷ്യൽ ട്രെയിൻ സർവീസുകൾ പ്രഖ്യാപിച്ച് റെയിൽവേ മന്ത്രാലയം. ദക്ഷിണ റെയിൽവേയിൽ നിന്ന് 54 ഓണം സ്പെഷ്യൽ സർവീസുകളും മറ്റ് സോണുകളിൽ നിന്ന് 58 സർവീസുകളുമാണ് നടത്തുക. സെപ്റ്റംബർ ആദ്യവാരം വരെ സർവീസ് നടത്തുന്ന ഈ പ്രത്യേക ട്രെയിനുകൾ ചെന്നൈ, ബെംഗളൂരു, ആന്ധ്രാപ്രദേശ് ഉൾപ്പെടെയുള്ള ഇടങ്ങളിൽ നിന്നാണ് കേരളത്തിലേക്ക് സർവീസ് നടത്തുന്നത്.

യാത്രക്കാരുടെ തിരക്ക് പരിഗണിച്ച് ആവശ്യമെങ്കിൽ കൂടുതൽ സർവീസുകൾ അനുവദിക്കുമെന്നും റെയിൽവേ മന്ത്രാലയം അറിയിച്ചിട്ടുണ്ട്. കേരളത്തിലേക്ക് മടങ്ങുന്ന മലയാളികൾക്ക് വലിയ ആശ്വാസമാകുന്നതാണ് റെയിൽവേയുടെ ഈ നടപടി.