ആംസ്റ്റൽവീൻ: വനിതാ ഹോക്കി ലോകകപ്പിലെ ആദ്യ മത്സരത്തിൽ കരുത്തരായ ചൈനയെ സമനിലയിൽ കുരുക്കി ഇന്ത്യൻ വനിതകൾ. ലോക റാങ്കിങ്ങിൽ രണ്ടാം സ്ഥാനത്തുള്ള ചൈനയെ 2-2നാണ് ഇന്ത്യ പിടിച്ചുകെട്ടിയത്. പരിശീലകൻ ഷുർദ് മറൈൻ്റെ കീഴിൽ വിദേശത്ത് നടത്തിയ പരിശീലനത്തിന്റെ മികവ് കളിക്കളത്തിൽ പുറത്തെടുത്ത ഇന്ത്യ മികച്ച പോരാട്ടമാണ് കാഴ്ചവെച്ചത്.
ഇന്ത്യയ്ക്കായി പരിചയസമ്പന്നയായ നവ്നീത് കൗറും പെനാൽറ്റി കോർണർ വിദഗ്ധ ദീപികയും ഗോൾ നേടി. സാങ് യിങ്ങും മാ നിങുമാണ് ചൈനയ്ക്കായി ലക്ഷ്യം കണ്ടത്.
മത്സരത്തിന്റെ എട്ടാം മിനിറ്റിൽ തന്നെ ഇന്ത്യ മുന്നിലെത്തി. നേഹയുടെ പാസിൽ നിന്ന് മനോഹരമായ ഫ്ലിക്കിലൂടെ നവ്നീത് കൗർ ഇന്ത്യയ്ക്ക് ലീഡ് സമ്മാനിച്ചു. എന്നാൽ 14-ാം മിനിറ്റിൽ പെനാൽറ്റിയിലൂടെ ചൈന തിരിച്ചടിച്ചു. സർക്കിളിനുള്ളിൽ ശിൽപി ദബാസ് എതിർ താരത്തെ തള്ളിയതിനെ തുടർന്ന് ലഭിച്ച പെനാൽറ്റി സാങ് യിങ് കൃത്യമായി ലക്ഷ്യത്തിലെത്തിച്ചു.
രണ്ടാം ക്വാർട്ടറിന്റെ തുടക്കത്തിൽ പെനാൽറ്റി കോർണറിലൂടെ ദീപിക ഇന്ത്യയെ വീണ്ടും മുന്നിലെത്തിച്ചു. എന്നാൽ 39-ാം മിനിറ്റിൽ മറ്റൊരു പെനാൽറ്റി കോർണർ ഗോളാക്കി മാറ്റി മാ നിങ് ചൈനയെ വീണ്ടും സമനിലയിലെത്തിച്ചു. മത്സരത്തിന്റെ അവസാന ഘട്ടത്തിലും ചൈനയ്ക്ക് പെനാൽറ്റി കോർണറുകൾ ലഭിച്ചെങ്കിലും ഇന്ത്യൻ പ്രതിരോധം ഉറച്ചുനിന്നു.
പാരിസ് ഒളിംപിക്സിൽ വെള്ളി മെഡൽ നേടിയ ചൈനയ്ക്കെതിരെ സമനില നേടിയതോടെ പൂൾ ഡിയിൽ ഇന്ത്യക്ക് വിലപ്പെട്ട ഒരു പോയിന്റ് ലഭിച്ചു. ഇന്ത്യക്കും ചൈനയ്ക്കും പുറമെ ഇംഗ്ലണ്ടും ദക്ഷിണാഫ്രിക്കയുമാണ് പൂൾ ഡിയിലുള്ളത്. നേരത്തെ ദക്ഷിണാഫ്രിക്കയെ എതിരില്ലാത്ത നാല് ഗോളിന് ഇംഗ്ലണ്ട് പരാജയപ്പെടുത്തിയിരുന്നു. ചൊവ്വാഴ്ച ദക്ഷിണാഫ്രിക്കയ്ക്കെതിരെയാണ് ഇന്ത്യയുടെ അടുത്ത മത്സരം.
ഇന്ത്യയ്ക്കായി പരിചയസമ്പന്നയായ നവ്നീത് കൗറും പെനാൽറ്റി കോർണർ വിദഗ്ധ ദീപികയും ഗോൾ നേടി. സാങ് യിങ്ങും മാ നിങുമാണ് ചൈനയ്ക്കായി ലക്ഷ്യം കണ്ടത്.
മത്സരത്തിന്റെ എട്ടാം മിനിറ്റിൽ തന്നെ ഇന്ത്യ മുന്നിലെത്തി. നേഹയുടെ പാസിൽ നിന്ന് മനോഹരമായ ഫ്ലിക്കിലൂടെ നവ്നീത് കൗർ ഇന്ത്യയ്ക്ക് ലീഡ് സമ്മാനിച്ചു. എന്നാൽ 14-ാം മിനിറ്റിൽ പെനാൽറ്റിയിലൂടെ ചൈന തിരിച്ചടിച്ചു. സർക്കിളിനുള്ളിൽ ശിൽപി ദബാസ് എതിർ താരത്തെ തള്ളിയതിനെ തുടർന്ന് ലഭിച്ച പെനാൽറ്റി സാങ് യിങ് കൃത്യമായി ലക്ഷ്യത്തിലെത്തിച്ചു.
രണ്ടാം ക്വാർട്ടറിന്റെ തുടക്കത്തിൽ പെനാൽറ്റി കോർണറിലൂടെ ദീപിക ഇന്ത്യയെ വീണ്ടും മുന്നിലെത്തിച്ചു. എന്നാൽ 39-ാം മിനിറ്റിൽ മറ്റൊരു പെനാൽറ്റി കോർണർ ഗോളാക്കി മാറ്റി മാ നിങ് ചൈനയെ വീണ്ടും സമനിലയിലെത്തിച്ചു. മത്സരത്തിന്റെ അവസാന ഘട്ടത്തിലും ചൈനയ്ക്ക് പെനാൽറ്റി കോർണറുകൾ ലഭിച്ചെങ്കിലും ഇന്ത്യൻ പ്രതിരോധം ഉറച്ചുനിന്നു.
പാരിസ് ഒളിംപിക്സിൽ വെള്ളി മെഡൽ നേടിയ ചൈനയ്ക്കെതിരെ സമനില നേടിയതോടെ പൂൾ ഡിയിൽ ഇന്ത്യക്ക് വിലപ്പെട്ട ഒരു പോയിന്റ് ലഭിച്ചു. ഇന്ത്യക്കും ചൈനയ്ക്കും പുറമെ ഇംഗ്ലണ്ടും ദക്ഷിണാഫ്രിക്കയുമാണ് പൂൾ ഡിയിലുള്ളത്. നേരത്തെ ദക്ഷിണാഫ്രിക്കയെ എതിരില്ലാത്ത നാല് ഗോളിന് ഇംഗ്ലണ്ട് പരാജയപ്പെടുത്തിയിരുന്നു. ചൊവ്വാഴ്ച ദക്ഷിണാഫ്രിക്കയ്ക്കെതിരെയാണ് ഇന്ത്യയുടെ അടുത്ത മത്സരം.
Comments