കൊല്ലം: കൊട്ടാരക്കര താലൂക്ക് ആശുപത്രിയില് രോഗിയോട് മോശമായി പെരുമാറിയ സംഭവത്തില് ഡോക്ടര്ക്കു നിര്ബന്ധിത അവധി. ഡോക്ടര് രേഖാ കൃഷ്ണനോടാണു നിര്ബന്ധിത അവധിയില് പോകാന് നിര്ദേശിച്ചത്. രോഗിയോടും ഒപ്പം എത്തിയവരോടും ഡോക്ടര് മോശമായി പെരുമാറുന്ന ദൃശ്യം സാമൂഹിക മാധ്യമങ്ങളില് പ്രചരിച്ചതിനുപിന്നാലെ ഡോ. രേഖയ്ക്ക്് ആശുപത്രി സൂപ്രണ്ട് കാരണം കാണിക്കല് നോട്ടീസ് നല്കിയിരുന്നു.
കഴിഞ്ഞ ദിവസം താലൂക്ക് ആശുപത്രിയില് കാഷ്വാലിറ്റി ഡ്യൂട്ടിയില് ഉണ്ടായിരുന്ന ഡോ. രേഖാ കൃഷ്ണന് രോഗിയോടും ഒപ്പമെത്തിയവരോടും തര്ക്കിക്കുന്ന ദൃശ്യമാണു നടപടിക്ക് ആധാരം. പനിയും ശരീരവേദനയും എമര്ജന്സിയല്ലെന്നും ഇതുതുറന്നുവച്ചിരിക്കുന്നത് നിങ്ങള്ക്ക് ഓടിക്കയറാന് അല്ലെന്നുമായിരുന്നു ഡോക്ടറുടെ പ്രതികരണം.
പാതിരാത്രി കഴിഞ്ഞെന്നും ഇത് തോന്ന്യവാസമാണെന്നു പറയുന്നതും ദൃശ്യങ്ങളിലുണ്ടായിരുന്നു. സംഭവത്തില് ആരോഗ്യ വകുപ്പ് വിജിലന്സ് വിഭാഗം ആശുപത്രിയിലെത്തി അന്വേഷണം നടത്തിയിരുന്നു. കൊട്ടാരക്കര താലൂക്ക് ആശുപത്രിയില് ശരീര വേദന കാരണം രാത്രിയില് ചികിത്സ തേടി എത്തിയ വിട്ടമ്മയോടാണ് കാഷ്വാലിറ്റി ഡ്യൂട്ടി ഡോക്ടര് രേഖാ കൃഷ്ണന് മോശമായി പെരുമാറിയതായി പരാതി ഉയര്ന്നത്. ഡോക്ടറുടെ സംസാരം വിഡിയോ റിക്കാര്ഡ് ചെയ്തത് സോഷ്യല് മീഡിയാ വഴി പ്രചരിച്ചതോടെ പ്രതിഷേധമുയര്ന്നു. തിങ്കളാഴ്ച വി.ഡി.യോ പ്രചരിച്ചതോടെ ബി.ജെ.പി അന്നുതന്നെ താലൂക്കാശുപത്രിയിലേക്ക് മാര്ച്ച് നടത്തി. ഡോക്ടര്ക്കെതിരേ നടപടി വേണമെന്ന് ആവശ്യപ്പെട്ടു. ഇന്നലെ ഡിവൈ എഫ്.ഐ. നേതൃത്വത്തിലും താലൂക്കാശുപത്രിയിലേക്ക് മാര്ച്ച് നടത്തി. പ്രതിക്ഷേധം ശക്തമായതോടെ ആശുപത്രി സൂപ്രണ്ട് ഡോ. നിബിന് കൃഷ്ണ നിര്ബന്ധിത അവധി എടുക്കാന് ഡോ. രേഖാ കൃഷ്ണനോട് ആവശ്യപ്പെട്ടു. ഇതെ സമയം സംഭവത്തെ പറ്റി അന്വേഷിക്കുന്നതിന് ഡി.എം.ഒയുടെ നേതൃത്വത്തില് അന്വേഷണം ആരംഭിച്ചു.
Comments