ഇടുക്കി: കുന്നംകുളത്ത് യൂത്ത് കോൺഗ്രസ് നേതാവ് വി.എസ്. സുജിത്തിനെ പൊലീസ് മർദിച്ചെന്ന പരാതിയിൽ അന്വേഷണം നടക്കുകയാണെന്ന് ആഭ്യന്തരമന്ത്രി രമേശ് ചെന്നിത്തല. സുജിത്തിന്റെ പരാതി ഡി.ജി.പിക്ക് കൈമാറിയെന്നും ഐ.ജി. പൂട്ട വിമലാദിത്യയുടെ നേതൃത്വത്തിൽ അന്വേഷണം പുരോഗമിക്കുകയാണെന്നും മന്ത്രി പറഞ്ഞു.
കഴിഞ്ഞ സർക്കാർ മൂന്ന് പേർക്കെതിരെ നടപടി സ്വീകരിച്ചിരുന്നെന്നും അന്വേഷണ റിപ്പോർട്ട് ലഭിച്ച ശേഷം കൂടുതൽ നടപടിയുണ്ടാകുമെന്നും ചെന്നിത്തല വ്യക്തമാക്കി. ‘സുജിത്തിനൊപ്പം സർക്കാരുണ്ടാകും’ എന്നും അദ്ദേഹം ഉറപ്പുനൽകി.
ഓപ്പറേഷൻ തൂഫാൻ പരിശോധനയ്ക്കിടെ പൊലീസുകാരെ ആക്രമിക്കുന്നവർക്കെതിരെ ശക്തമായ നടപടി സ്വീകരിക്കുമെന്നും മന്ത്രി പറഞ്ഞു. തലമുറകളെ രക്ഷിക്കാനുള്ള പ്രവർത്തനമാണ് ഓപ്പറേഷൻ തൂഫാനിലൂടെ നടക്കുന്നതെന്നും പൊലീസ് രാപ്പകലില്ലാതെ ഡ്യൂട്ടി നിർവഹിക്കുകയാണെന്നും അദ്ദേഹം കൂട്ടിച്ചേർത്തു.
എസ്എഫ്ഐക്കെതിരായ പൊലീസ് നടപടിയെക്കുറിച്ചുള്ള പ്രതിപക്ഷ നേതാവിന്റെ വിമർശനത്തിലും മന്ത്രി പ്രതികരിച്ചു. പൊലീസ് സംയമനം പാലിച്ചെന്നും എസ്എഫ്ഐ പ്രവർത്തകർ എസിപിയുടെ കഴുത്തിന് പിടിക്കുകയും പൊലീസിനെ ആക്രമിക്കുകയും ചെയ്തതാണ് പ്രശ്നങ്ങൾക്ക് കാരണമെന്നും അദ്ദേഹം ആരോപിച്ചു.
മുഖ്യമന്ത്രിയുടെ സോഷ്യൽ മീഡിയ കോർഡിനേറ്ററെന്ന് അവകാശപ്പെട്ടയാൾ ഉൾപ്പെട്ട കേസിലെ അന്വേഷണം കൃത്യമായി മുന്നോട്ടുപോകുകയാണെന്നും മന്ത്രി പറഞ്ഞു. ആദ്യം അറസ്റ്റിലായ ഹുസൈന്റെ ഫോൺ പരിശോധിച്ചതിലൂടെയാണ് മറ്റു പ്രതികളെക്കുറിച്ചുള്ള വിവരങ്ങൾ ലഭിച്ചതെന്നും കൂടുതൽ വിവരങ്ങൾ ലഭിക്കാനുണ്ടെന്നും അദ്ദേഹം വ്യക്തമാക്കി.
കഴിഞ്ഞ സർക്കാർ മൂന്ന് പേർക്കെതിരെ നടപടി സ്വീകരിച്ചിരുന്നെന്നും അന്വേഷണ റിപ്പോർട്ട് ലഭിച്ച ശേഷം കൂടുതൽ നടപടിയുണ്ടാകുമെന്നും ചെന്നിത്തല വ്യക്തമാക്കി. ‘സുജിത്തിനൊപ്പം സർക്കാരുണ്ടാകും’ എന്നും അദ്ദേഹം ഉറപ്പുനൽകി.
ഓപ്പറേഷൻ തൂഫാൻ പരിശോധനയ്ക്കിടെ പൊലീസുകാരെ ആക്രമിക്കുന്നവർക്കെതിരെ ശക്തമായ നടപടി സ്വീകരിക്കുമെന്നും മന്ത്രി പറഞ്ഞു. തലമുറകളെ രക്ഷിക്കാനുള്ള പ്രവർത്തനമാണ് ഓപ്പറേഷൻ തൂഫാനിലൂടെ നടക്കുന്നതെന്നും പൊലീസ് രാപ്പകലില്ലാതെ ഡ്യൂട്ടി നിർവഹിക്കുകയാണെന്നും അദ്ദേഹം കൂട്ടിച്ചേർത്തു.
എസ്എഫ്ഐക്കെതിരായ പൊലീസ് നടപടിയെക്കുറിച്ചുള്ള പ്രതിപക്ഷ നേതാവിന്റെ വിമർശനത്തിലും മന്ത്രി പ്രതികരിച്ചു. പൊലീസ് സംയമനം പാലിച്ചെന്നും എസ്എഫ്ഐ പ്രവർത്തകർ എസിപിയുടെ കഴുത്തിന് പിടിക്കുകയും പൊലീസിനെ ആക്രമിക്കുകയും ചെയ്തതാണ് പ്രശ്നങ്ങൾക്ക് കാരണമെന്നും അദ്ദേഹം ആരോപിച്ചു.
മുഖ്യമന്ത്രിയുടെ സോഷ്യൽ മീഡിയ കോർഡിനേറ്ററെന്ന് അവകാശപ്പെട്ടയാൾ ഉൾപ്പെട്ട കേസിലെ അന്വേഷണം കൃത്യമായി മുന്നോട്ടുപോകുകയാണെന്നും മന്ത്രി പറഞ്ഞു. ആദ്യം അറസ്റ്റിലായ ഹുസൈന്റെ ഫോൺ പരിശോധിച്ചതിലൂടെയാണ് മറ്റു പ്രതികളെക്കുറിച്ചുള്ള വിവരങ്ങൾ ലഭിച്ചതെന്നും കൂടുതൽ വിവരങ്ങൾ ലഭിക്കാനുണ്ടെന്നും അദ്ദേഹം വ്യക്തമാക്കി.
Comments