കോഴഞ്ചേരി: ജില്ലാ ആശുപത്രിയില് നിന്നും പിതാവിനെ കബളിപ്പിച്ച സംഭവത്തില് ഭര്ത്താവ് പാസ്റ്ററാണെന്നും താനും ഒരു സഭാ വിശ്വാസിയാണെന്നും പറഞ്ഞ് യുവതി അനിതയോടും മറ്റും കൂടുതല് അടുപ്പം കാണിക്കുകയും പാലുകൊടുപ്പിക്കാന് അനിതയുടെ അരികിലേക്കെന്ന ഭാവത്തില് പിതാവ് സജിയുടെ െകെയിലിരുന്ന കുഞ്ഞിനെ കടത്തിക്കൊണ്ടു പോകുകയായിരുന്നു.
കടത്തിക്കൊണ്ടുപോയ നവജാത ശിശുവിനെ കണ്ടെത്തി. റാന്നി വെച്ചൂച്ചിറയില് നിന്നുമാണ് ഇന്നലെ രാത്രിയോടെ കുട്ടിയേയും മോഷ്ടിച്ച യുവതിയേയും കണ്ടെത്തിയത്. വെച്ചൂച്ചിറ പുറത്തുപുരയ്ക്കല് അനീഷിന്റെ ഭാര്യ ലീന (30) യാണ് കുട്ടിയെ മോഷ്ടിച്ചത്. ലീനയ്ക്ക് മറ്റ് ഉദ്ദേശ്യങ്ങള് ഇല്ലാതിരുന്നതായും വളര്ത്തുകയെന്ന ലക്ഷ്യമേ ഉണ്ടായിരുന്നുള്ളെന്നും ജില്ലാ പോലീസ് മേധാവി ബി. അശോകന്പറഞ്ഞു. കുട്ടിയുടെ ആരോഗ്യനില തൃപ്തികരമാണ്. കുട്ടിയെ കണ്ടെത്തി പ്രാഥമിക ശുശ്രൂഷകള് നല്കിയ ശേഷമാണ് ജില്ലാ ആശുപത്രിയില് എത്തിച്ചത്.
കുട്ടിയെ ജില്ലാ ആശുപത്രിയില് മാതാപിതാക്കള്ക്ക് െകെമാറി. സംഭവം നടന്ന് രണ്ടു ദിവസം കഴിഞ്ഞിട്ടും തുമ്പുണ്ടാക്കാന് കഴിഞ്ഞില്ലെന്ന പരാതിക്കിടയിലാണ് ഇന്നലെ രാത്രി എട്ടുമണിയോടെ കുട്ടിയെ പോലീസ് കണ്ടെത്തിയത്. കുട്ടിയുടെ ആരോഗ്യനിലയില് കുഴപ്പമൊന്നുമില്ലെന്ന് പോലീസും ഡോക്ടര്മാരും അറിയിച്ചു. ജില്ലാ പോലീസ് സൂപ്രണ്ടിന്റെ നേതൃത്വത്തില് എട്ട് സംഘങ്ങളാണ് അന്വേഷണം നടത്തിയത്. കുട്ടികള് ഉണ്ടാകില്ലെന്ന ഡോക്ടര്മാരുടെ വിലയിരുത്തലിനെ തുടര്ന്നാണ് ഇത്തരത്തില് ഒരു ഉദ്യമത്തിന് മുതിര്ന്നതെന്ന് പ്രതി പോലീസിനോടു പറഞ്ഞു. ടെലിഫോണ് ടവര് കേന്ദ്രീകരിച്ച് നടത്തിയ അന്വേഷണത്തിലാണ് പ്രതി അറസ്റ്റിലായത്.
ജില്ലാ ആശുപത്രിയിലെ സി.സി. ടി.വി ക്യാമറയില് ലീന ഫോണ് വിളിക്കുന്ന ദൃശ്യങ്ങള് പതിഞ്ഞിരുന്നു. ഇതേ തുടര്ന്നാണ് ടെലിഫോണ് ടവര് കേന്ദ്രീകരിച്ചുള്ള അന്വേഷണം പോലീസ് വ്യാപിപ്പിച്ചത്. സംഭവത്തിന്റെ ഗൗരവം കണക്കിലെടുത്ത് ജില്ലാ പൊലീസ് മേധാവി അന്വേഷണ ചുമതല ഏറ്റെടുത്തിരുന്നു. പ്രതി ജില്ല കടന്നുപോകാനുള്ള സാദ്ധ്യത കണക്കിലെടുത്ത് അതിര്ത്തികളില് കര്ശന പരിശോധന നടത്തിവരികയായിരുന്നു പോലീസ്. ശിശുവിനെ നഷ്ടപ്പെട്ടതിനെ തുടര്ന്ന് മാതാവ് അനിതയുടെ ആരോഗ്യസ്ഥിതിയും മാനസികാവസ്ഥയും മോശമായിരുന്നു. കടുത്ത രക്തസമ്മര്ദ്ദവും പനിയും അനുഭവപ്പെട്ടതിനെ തുടര്ന്ന് പ്രസവവാര്ഡിലെ തീവ്രപരിചരണ റൂമിലേക്ക് ഇവരെ മാറ്റിയിരിക്കുകയാണ്.
