കൊച്ചി: ഭര്ത്താവിന്റെ ജോലി പോയതിനെ തുടര്ന്ന് വിവാഹമോചനത്തിന് ഒരുങ്ങുന്ന ഭാര്യ ചെലവിന് നല്കണമെന്ന കുടുംബക്കോടതിയുടെ ഉത്തരവ് ഹൈക്കോടതി തള്ളി. നേരത്തേ ഭര്ത്താവ് സമര്പ്പിച്ച ഹര്ജിയില് ഭാര്യ ഭര്ത്താവിന് ജീവനാംശം നല്കണമെന്ന് കുടുംബക്കോടതി വിധിച്ചിരുന്നു. ഇതാണ് ഹൈക്കോടതി തള്ളിയത്.
തര്ക്കത്തില് ഏര്പ്പെട്ടത് വിവാഹമോചനത്തിന് ഒരുങ്ങുന്ന പ്രണയിച്ച് വിവാഹിതരായ കാസര്ഗോഡ് സ്വദേശികളായ ദമ്പതികളായിരുന്നു. വിവാഹമോചനത്തിന് നിയമനടപടി തുടങ്ങിയ ഭാര്യ ചിട്ടിക്കമ്പനിയിലെ തന്റെ ജോലി പോയ സാഹചര്യത്തില് ചെലവിന് നല്കണമെന്ന ഭര്ത്താവിന്റെ ആവശ്യം കുടുംബക്കോടതി അംഗീകരിക്കുകയായിരുന്നു. എന്നാല് ഭര്ത്താവ് സ്വയം ജോലി ചെയ്യാന് വയ്യാത്ത വിധം ശാരീരിക മാനസീക പ്രശ്നങ്ങള് ഉള്ളയാളാണെന്നതിന്റെ യാതൊരു സൂചനയും ഇല്ലെന്ന് കാണിച്ചാണ് ഹൈക്കോടതി കുടുംബക്കോടതിയുടെ ഉത്തരവ് റദ്ദാക്കിയത്.
പ്രണയിച്ചു വിവാഹിതരായ ദമ്പതികള് ഏറെ താമസിയാതെ തന്നെ അകലുകയും ഭാര്യ വിവാഹമോചനത്തിന് നിയമനടപടി തുടങ്ങുകയുമായിരുന്നു. കേസില് വിവാഹമോചന ഹര്ജി പരിഗണനയില് ഇരിക്കെ ഇടക്കാലത്തേക്ക് ഭാര്യ ഭര്ത്താവിന് ചെലവിന് നല്കട്ടെ എന്നായിരുന്നു കുടുംബക്കോടതി വിധിച്ചത്. എന്നാല് വരുമാനമില്ലെന്ന പേരില് ജോലി ചെയ്യാനുള്ള കഴിവും യോഗ്യതയുമുള്ളവര്ക്ക് ഭാര്യ ചെലവിന് നല്കണമെന്ന് വിധി പുരുഷന്മാരെ മടിയന്മാരാക്കുമെന്ന് കോടതി പറഞ്ഞു.
ഇത്തരം കാര്യങ്ങള് ഒരു ജോലിയും ചെയ്യാതെ ഭാര്യയെ ആശ്രയിച്ചു വെറുതേയിരിക്കാന് പ്രവണത കൂടുമെന്നും അതിനെ പ്രോത്സാഹിപ്പിക്കേണ്ടതില്ലെന്നും ജോലിയുള്ള പങ്കാളി മറ്റേയാള്ക്ക് ചെലവിനു നല്കണമെന്ന നിയമം ഇത്തരം കാര്യമല്ല ലക്ഷ്യമിടുന്നതെന്നും കോടതി പറഞ്ഞു. പങ്കാളിയുടെ ആരോഗ്യം സംബന്ധിച്ച ഒരു പരിശോധനയുടെ വിവരമോ ഡോക്ടറുടെ റിപ്പോര്ട്ടോ ഒന്നും പരിശോധിക്കാതെ ഇക്കാര്യത്തില് വിധി പറയാനാകില്ലെന്നും കോടതി പറഞ്ഞു.
