ന്യൂഡല്ഹി: ശ്രീലങ്കയ്ക്കെതിരായ അവസാന ടെസ്റ്റില് ടോസ് നേടിയ ഇന്ത്യ ബാറ്റിംഗ് തെരഞ്ഞെടുത്തു. രണ്ടാം ടെസ്റ്റ് കളിച്ച ടീമില്നിന്നും രണ്ടു മാറ്റങ്ങളുമായാണ് ഇന്ത്യ ഇറങ്ങുന്നത്. ഉമേഷ് യാദവിനു പകരം മുഹമ്മദ് ഷമിയും കെ.എല്. രാഹുലിനു പകരം ശിഖര് ധവാനും ടീമില് ഇടംനേടി.
പരമ്പര വിജയത്തില് ലോകറെക്കോഡ് ലക്ഷ്യമിട്ടാണ് വിരാട് കോഹ്ലിയും സംഘവും ഇന്ന് ഫിറോസ് ഷാ കോട്ലയില് ഇറങ്ങിയിരിക്കുന്നത്. 39 പന്തില് 23 റണ്സ് നേടിയ പൂജാരയുടെയും വിക്കറ്റുകളാണ് ഇന്ത്യയ്ക്ക് നഷ്ടമായത്. അവസാനം വിവരം ലഭിക്കുമ്പോള് ഇന്ത്യ 27 ഓവര് പിന്നിടുമ്പോള് രണ്ട് വിക്കറ്റ് നഷ്ടത്തില് 116 റണ്സ് എന്ന നിലയിലാണ്. അര്ധ സെഞ്ചുറി നേടി മുരളി വിജയും, 17 റണ്സുമായി വിരാട് കോഹ്ലിയുമാണ് ക്രീസില്.
ശ്രീലങ്ക മൂന്ന് മാറ്റങ്ങളുമായാണ് ഇറങ്ങുന്നത്. ലഹിരി തിരുമന്നെ, ഷനാക, രംഗണ ഹെറാത്തെ എന്നിവരെ പുറത്തിരുത്തി. ലക്ഷന് സന്ദാകന്, റോഷന് സില്വ, ധനഞ്ജയ് ഡിസില്വ എന്നിവരെ ടീമില് ഉള്പ്പെടുത്തി. പരമ്പരയില് ഇന്ത്യ 10ന് മുന്നിലാണ്. ബാറ്റിംഗിലും ബൗളിംഗിലും ഇന്ത്യ ഫോമിലാണ്.
പരമ്പരയിലെ ആദ്യ മത്സരം സമനിലയില് കലാശിച്ചപ്പോള് രണ്ടാം ടെസ്റ്റില് ആധികാരിക വിജയം നേടിയ ഇന്ത്യ 1-0ന് മുന്നിലാണ്. ഇന്നാരംഭിക്കുന്ന മൂന്നാം ടെസ്റ്റ് സമനിലയില് കലാശിച്ചാല്പ്പോലും ഇന്ത്യയ്ക്ക് പരമ്പര സ്വന്തമാക്കാം. മറുവശത്ത് ലങ്കയ്ക്ക് ജയിച്ചാല് മാത്രമേ പരമ്പര സമനിലയില് ആക്കാന് സാധിക്കൂ.ഇന്നിറങ്ങുമ്പോള് വിജയത്തെക്കാളുപരി ഒരു ചരിത്ര നേട്ടത്തിലേക്കാണ് ഇന്ത്യയുടെ നോട്ടം. തുടര്പരമ്പര വിജയങ്ങളില് ഓസ്ട്രേലിയയുടെറെക്കോഡിനൊപ്പമെത്താനാണ് ഇന്ത്യയുടെ ശ്രമം.
തുടരെ എട്ടു പരമ്പര വിജയങ്ങളാണ് ഇന്ത്യയുടെ പേരില് നിലവിലുള്ളത്. 2005നും 2008നും ഇടയില് തുടര്ച്ചയായി ഒമ്പതു പരമ്പര ജയം നേടിയ ഓസ്ട്രേലിയയുടെ പേരിലാണ് നിലവിലെ ലോകറെക്കോഡ്.നിലവിലെ സാഹചര്യങ്ങളും കണക്കുകളും പരിശോധിച്ചാല് മൂന്നാം ടെസ്റ്റില് ഇന്ത്യയ്ക്ക് തന്നെയാണ് മുന്തൂക്കം. മികച്ച ഫോമിലുള്ള ടീം ഇന്ത്യ സമ്മര്ദ്ദം ഒട്ടും ഇല്ലാതെയാണ് കോട്ലയില് ഇന്നിറങ്ങുന്നത്.
ബൗളിങ് വിഭാഗത്തിലും ഇന്ത്യക്ക് ആശങ്കകളില്ല.അതേസമയം ആര്. അശ്വിന്റെ ഭാഗ്യഗ്രൗണ്ടാണ് കോട്ല. ഇവിടെ കളിച്ച 3 മത്സരങ്ങളില് നിന്ന് 23 വിക്കറ്റുകള് അശ്വിന് നേടിക്കഴിഞ്ഞു.
മറുവശത്ത് ലോക ഒന്നാം നമ്പര് ടീമിനെതിരെ നിര്ണായക മത്സരത്തിനിറങ്ങുമ്പോള് ലങ്ക ആശങ്കകള്ക്കു നടുവിലാണ്. മുഖ്യ സ്പിന്നര് രംഗണ ഹെറാത്ത് പരുക്കേറ്റ് പുറത്തു പോയതും അവര്ക്ക് തിരിച്ചടിയാകും. ലക്ഷന് സന്ഡകന് ലങ്കന് നിരയില് ഹെറാത്തിന്റെ അഭാവത്തില് തിരിച്ചെത്തിയേക്കും.രണ്ട് മത്സരങ്ങളിലും പരാജയമായ ബാറ്റിംഗ് നിര ഡല്ഹിയില് എങ്ങനെ കളിക്കും എന്നതിനെ ആശ്രയിച്ചിരിക്കും അവരുടെ വിധി. 30 വര്ഷത്തിനിടെ ഫിറോസ്ഷ, കോട്ലയില് ഒരു ടെസ്റ്റില്പ്പോലും തോറ്റിട്ടില്ലെന്നതും ഇന്ത്യക്ക് ആത്മവിശ്വാസം പകരുന്നു.
