ആലപ്പുഴ: എസ്.ഐയും സീനിയര് സിവില് പോലീസ് ഓഫീസറും പ്രതികളായ പീഡനക്കേസില് പതിനാറുകാരി ബലാത്സംഗത്തിന് ഇരയായിട്ടില്ലെന്നു െവെദ്യപരിശോധനാ റിപ്പോര്ട്ട്. പോക്സോ കേസെടുത്തതു ദന്തക്ഷതമടക്കം ദേഹത്തേറ്റ പരുക്കുകളുടെ പേരില്. ജില്ലാ പോലീസ് മേധാവി എസ്. സുരേന്ദ്രനാണ് ഇക്കാര്യം വെളിപ്പെടുത്തിയത്.
കുടുംബത്തിന്റെ ദാരിദ്ര്യം മുതലെടുത്താണു പെണ്കുട്ടിയെ അകന്ന ബന്ധുവായ പുന്നപ്ര സ്വദേശി ആതിര കൂടെക്കൂട്ടിയിരുന്നത്. പെണ്കുട്ടിയേയും ആതിരയുടെ പിഞ്ചുകുഞ്ഞിനെയും റിസോര്ട്ടുകളിലും ഹൗസ് ബോട്ടുകളിലും അനാശാസ്യത്തിനു മറയായി ഉപയോഗിക്കുകയായിരുന്നു. അറസ്റ്റിലായ പ്രബേഷണറി എസ്.ഐ: കെ.ജി. െലെജുവും സീനിയര് സിവില് പോലീസ് ഓഫീസര് നെല്സണ് തോമസും പെണ്കുട്ടിയെ കൂട്ടിക്കൊണ്ടുപോയ ആതിരയുമായി ബന്ധം പുലര്ത്തിയിരുന്നവരാണ്. പെണ്കുട്ടിയുടെ പിതാവിനു തട്ടുകട തുടങ്ങാന് നെല്സണ് സാമ്പത്തികസഹായം നല്കിയിരുന്നു.
മറ്റുള്ളവര്ക്കു സംശയം തോന്നാതിരിക്കാന് മുറിയില് പെണ്കുട്ടിയെ ആതിര കൂട്ടിരുത്തുമായിരുന്നു. ആതിരയുടെ കാമുകനും ഡ്രൈവറുമായ ആലപ്പുഴ പൊള്ളേെത്തെ സ്വദേശി പ്രിന്സിന്റെ കാറിലായിരുന്നു യാത്രകള്. ആതിരയേയും നെല്സണെയും കേന്ദ്രീകരിച്ചാണ് അന്വേഷണം. നെല്സണ് മാരാരിക്കുളത്തെ റിസോര്ട്ടില് മദ്യം നല്കിയശേഷം ശാരീരികമായി ഉപദ്രവിച്ചെന്നാണു പെണ്കുട്ടിയുടെ മൊഴി.
ഇദ്ദേഹത്തെ പോലീസ് ചോദ്യം ചെയ്തുവരുന്നു. അന്വേഷണത്തിന്റെ ഭാഗമായി അറസ്റ്റിലായ രണ്ടാംപ്രതിയായ പോലീസുകാരന് നെല്സണ് തോമസിനെ കസ്റ്റഡിയില് ലഭിക്കുന്നതിന് അപേക്ഷ നല്കിയിട്ടുണ്ട്. ആലപ്പുഴയിലെ സ്വകാര്യസ്ഥാപനത്തിലാണു പെണ്കുട്ടി പഠിക്കുന്നത്. അച്ഛന് ഭിന്നശേഷിക്കാരനും അമ്മയും അനുജത്തിയും രോഗബാധിതരുമാണ്. കഴിഞ്ഞ 10-ന് ആലപ്പുഴ നഗരസഭാ കൗണ്സിലര് ജോസ് ചെല്ലപ്പനും നാട്ടുകാരും ചേര്ന്നാണു പെണ്കുട്ടിയെ ആതിര കൂട്ടിക്കൊണ്ടുപോകുന്നതു തടഞ്ഞത്. ഇതിനിടെ കൗണ്സിലറെ ആതിര കടിച്ചു മുറിവേല്പ്പിച്ചു.
ആരുവന്നാലും ഭയമില്ലെന്നും പോലീസ് വരട്ടെയെന്നും കയര്ത്തു. പെണ്കുട്ടിയെ വിശദമായ െവെദ്യപരിശോധനയ്ക്കു വിധേയയാക്കുമെന്നു ജില്ലാ പോലീസ് മേധാവി എസ്. സുരേന്ദ്രന് പറഞ്ഞു. ഏതെങ്കിലും ഡി.വൈ.എസ്.പിക്കു പീഡനത്തില് പങ്കുള്ളതായി തെളിവു ലഭിച്ചിട്ടില്ലെന്നും അദ്ദേഹം പറഞ്ഞു. സംഭവത്തേത്തുടര്ന്ന് ജില്ലയിലെ ചില പോലീസ് ഉദ്യോഗസ്ഥരുടെയും മറ്റൊരു സ്ത്രീയുടെയും പേരുകള് പെണ്കുട്ടി വെളിപ്പെടുത്തിയിരുന്നു. ഇതിന്റെ ഓഡിയോ, വീഡിയോ തെളിവുകള് ജില്ലാ കലക്ടര്ക്കു െകെമാറാന് നാട്ടുകാര് സന്നദ്ധത പ്രകടിപ്പിച്ചിട്ടുണ്ട്.
പീഡനം നടന്നതായി പറയപ്പെടുന്ന സ്ഥലങ്ങളില് പ്രതികളുമായി പോലീസ് തെളിവെടുപ്പാരംഭിച്ചു. ആലപ്പുഴ ഡിെവെ.എസ്.പി: പി.വി. ബേബിയുടെ നേതൃത്വത്തിലാണ് അന്വേഷണം. പോലീസ് കസ്റ്റഡിയില് വാങ്ങിയ ഒന്നാംപ്രതിയായ പുന്നപ്ര സ്വദേശി ആതിരയുമായി തെളിവെടുപ്പ് നടത്തി. പീഡനത്തിനിരയായ കുട്ടിയുടെ വീട്,മാരാരിക്കുളം, ചേര്ത്തല തുടങ്ങിയ അഞ്ചു സ്ഥലങ്ങളിലാണ് തെളിവെടുപ്പ് നടത്തിയത്.
മാരാരിക്കുളം പ്രൊബേഷന് എസ്.ഐ െലെജു, ജീന്മോന്, യേശുദാസ് എന്നിവരെയും കൂടുതല് ചോദ്യം ചെയ്യും. കേസില് പിടിയിലായവര്ക്കെതിരെ പോക്സോ പ്രകാരവും ജുവെനെല് ജസ്റ്റിസ് ആക്ട്പ്രകാരവുമാണ് കേസെടുത്തിരിക്കുന്നത്. അനേ്വഷണത്തിന്റെ ഭാഗമായി ആതിരയെ പോക്സോ കോടതി നാളെ വരെ പ്രത്യേക അനേ്വഷണ സംഘത്തിന്റെ കസ്റ്റഡിയില് വിട്ടുനല്കിയിരുന്നു. റിമാന്ഡിലായ എസ്.ഐ െലെജുവിനെ സര്വ്വീസില് നിന്ന് സസ്പെന്ഡ് ചെയ്തു.
