രാജസ്ഥാന് റോയല്സ് താരം ജോസ് ബട്ലറെ മങ്കാദിംഗിലൂടെ പുറത്താക്കിയ പഞ്ചാബ് കിംഗ്സ് ഇലവന് നായകന് ആര് അശ്വിന്റെ നടപടിയുമായി ബന്ധപ്പെട്ട് ഇപ്പോഴും ചര്ച്ചകള് ഒടുങ്ങിയിട്ടില്ല. എന്നാല് തൊട്ടടുത്ത മത്സരത്തില് പഞ്ചാബ് താരത്തെ ഈ രീതിയില് പുറത്താക്കാന് അവസരം ഉണ്ടായിട്ടും കൊല്ക്കത്ത നൈറ്റ് റൈഡേഴ്സ് താരം ആന്ദ്രേ റസല് അത് ചെയ്യാതിരുന്നത് ശ്രദ്ധേയമാകുന്നു.
ആന്ദ്രേ റസ്സല് ബൗള് ചെയ്യുമ്പോള് പഞ്ചാബ് താരം മായങ്ക് അഗര്വാള് ക്രീസിന് പുറത്ത് നില്ക്കുന്ന ചിത്രത്തോടെയാണ് ആരാധകര് ചിത്രം ഏറ്റെടുത്തിരിക്കുന്നത്. ഇന്നലെ നടന്ന മത്സരത്തില് കൊല്ക്കത്ത ഉയര്ത്തിയ 219 റണ്സ് വിജയലക്ഷ്യം പഞ്ചാബ് ടീം പിന്തുടരുമ്പോഴായിരുന്നു സംഭവം. എന്നാല് മായങ്ക് ക്രീസിന് പുറത്തായിട്ടും റസല് മങ്കാദിംഗ് നടത്താന് തയ്യാറായില്ല. റസല് പന്തെറിയാന് ആക്ഷന് എടുത്തപ്പോള് കിംഗ്സ് ഇലവന് പഞ്ചാബ് താരം മയങ്ക് അഗര്വാള് നോണ് സ്െ്രെടക്കിംഗ് എന്ഡിലെ ക്രീസിന് പുറത്തായിരുന്നു. ഈ സമയം റസല് പന്തെറിയാതെ നോണ് സ്െ്രെടക്കിംഗ് എന്ഡിലെ വിക്കറ്റ് പന്ത് മുട്ടിച്ചിരുന്നെങ്കില് അഗര്വാളിനെ പുറത്താക്കാമായിരുന്നു.
മത്സരത്തില് മായങ്ക് അഗര്വാള് തകര്പ്പന് ബാറ്റിംഗാണ് പഞ്ചാബ് കിംഗ്സ് ഇലവണായി നടത്തിയതും. 34 പന്തില് 58 റണ്സ് നേടിയ മായങ്കിന്റെ ഇന്നിംഗ്സില് ആറ് ബൗണ്ടറികളും ഒരു സിക്സറും ഉണ്ടായിരുന്നു. ആന്ദ്രെ റസലിന്റെ ഓവറുകളില് മയങ്ക് അഗര്വാള് നോണ് സ്െ്രെടക്കിംഗ് എന്ഡിലെ ക്രീസ് വിട്ട് പുറത്ത് നില്ക്കുന്നതി ന്റെ ചിത്രങ്ങള് സമൂഹ മാധ്യമങ്ങളിലും വൈറലാണ്. മത്സരം 28 റണ്സിനാണ് പഞ്ചാബ് തോറ്റത്. നേരത്തേ രാജസ്ഥാന് റോയല്സുമായുള്ള മത്സരത്തില് രാജസ്ഥാന് വിജയം നേടുമെന്ന് തോന്നിപ്പിച്ച ഘട്ടത്തിലാണ് ജോസ് ബട്ലറെ അശ്വിന് മങ്കാദിംഗ് സ്റ്റംപിങ്ങിലൂടെ പുറത്താക്കിയത്. മികച്ച ഫോമില് നില്ക്കുകയായിരുന്ന ബട്ലര് വീണതോടെ രാജസ്ഥാന് തോല്ക്കുകയും ചെയ്തു.
