ഇംഗ്ലണ്ടിനെതിരെ ടോസ് കൈവിട്ടപ്പോള് തുടങ്ങി കൈവിട്ട കളിയായിരുന്നു ഇന്ത്യയുടേത്. ജേസണ് റോയി- ജോണി ബെയര്സ്റ്റോ ഓപ്പണിങ് സഖ്യം ഇന്ത്യന് ബൗളര്മാരെ ബൗണ്ടറി കടത്തിയപ്പോള് ഫീല്ഡര്മാര്ക്ക് വലിയ റോളില്ലാതായിരുന്നു. പേസിനേയും സ്പിന്നിനേയും നായകന് മാറിമാറി പരീക്ഷിച്ചെങ്കിലും ഒന്നും ഫലവത്തായില്ല. ഒരു ക്യാച്ചിനു ശ്രമിക്കുന്നതിനിടെ വീണു ചെറിയ പരിക്കേറ്റ് കെ. എല് രാഹുല് മടങ്ങിയതോടെയാണ് പകരക്കാരന്റെ േറാളില് രവീന്ദ്ര ജഡേജ ഫീല്ഡിങ്ങിന് എത്തിയത്.
തൊട്ടു പിന്നാലെ തകര്ത്തടിച്ച ജേസന് റോയി എന്ന തലവേദനയെ കുല്ദീപിന്റെ പന്തില് പറക്കും ക്യാച്ചിലൂടെ ജഡേജ ഒതുക്കി. പകരക്കാരനായി ഇറങ്ങിയ ജഡേജയും ഇന്ത്യ പത്തിമടക്കിയ കളിയില് ഹീറോ ആയി. 23-ാം ഓവറിലാണ് കുല്ദീപ് യാദവിന്റെ പന്തില് അതിമനോഹര ക്യാച്ചിലൂടെയാണ് ജഡേജ റോയിയെ കൈപ്പിടിയിലൊതുക്കിയത്. പറന്നുയര്ന്ന ബോള് ഫുള് ലെങ്ത് ഡൈവിലൂടെ ബൗണ്ടറി ലൈനിനു അടുത്തു നിന്നാണ് ജഡേജ പറന്നു പിടിച്ചത്. ഇന്ത്യയ്ക്ക് ബ്രേക്ക് ത്രൂ സമ്മാനിച്ച വിക്കറ്റായിരുന്നു അത്. ഇന്ത്യന് നായകന് വിരാട് കോഹ്ലി ഉള്പ്പെടെ മുഷ്ഠി ചുരുട്ടിയാണ് സന്തോഷം പ്രകടിപ്പിച്ചത്. ആദ്യ മുപ്പത് ഓവറുകളിലെ ഏക വിക്കറ്റായിരുന്നു ഈ പകരക്കാരനിലൂടെ ഇന്ത്യയ്ക്ക് കിട്ടിയത്. മത്സരത്തില് ഇന്ത്യ 31 റണ്സിന് പരാജയപ്പെട്ടു.
