പാരീസ്: മികച്ച ഫുട്ബോള് താരത്തിനുള്ള ബാലന് ഡി ഓര് പുരസ്ക്കാരം ഇത്തവണ കരസ്ഥമാക്കി ബാഴ്സിലോണയുടെ അര്ജന്റീനാതാരം വീണ്ടും ലോക ഫുട്ബോളിന്റെ നെറുകയിലേക്ക്. ആറാം തവണ ഈ പുരസ്ക്കാര നേട്ടം നടത്തിയ മെസ്സി അഞ്ചു തവണ പുരസ്ക്കാരം നേടിയ മുഖ്യ എതിരാളി ക്രിസ്ത്യാനോ റൊണാള്ഡോയെ പിന്നിലാക്കി. മൂന്ന് വര്ഷത്തെ ഇടവേളയ്ക്ക് ശേഷമാണ് മെസ്സി വീണ്ടും പുരസ്ക്കാര ജേതാവായി മാറിയിരിക്കുന്നത്. ഇതോടെ ഏറ്റവും കൂടുതല് തവണ പുരസ്ക്കാര നേട്ടം നടത്തിയതിന്റെ റെക്കോഡ് മെസ്സി തിരിച്ചുപിടിച്ചു
കഴിഞ്ഞ യുവേഫാ ചാംപ്യന്സ് ലീഗ് കിരീടം നേടിയ ലിവര്പൂളിന്റെ ഡച്ച് ഡിഫന്ഡര് വിര്ജിന് വാന് ജിക്കിനെ മറികടന്നായിരുന്നു മെസ്സി പുരസ്ക്കാരം നേടിയത്. ലിവര്പൂളിന്റെ തന്നെ സദിയോ മാനേ നാലാമനായി. ക്രിസ്ത്യാനോ റൊണാള്ഡോ മൂന്നാം സ്ഥാനത്തേക്ക് വീണു. 2018-19 ല് രാജ്യത്തിനും ക്ളബ്ബിനുമായി 54 തവണ സ്കോര് ചെയ്ത മെസ്സി ബാഴ്സയ്ക്കൊപ്പം ലാലിഗ ചാംപ്യന് പദവിയും സ്വന്തമാക്കിയിരുന്നു. 2015 ന് ശേഷം ഇതാദ്യമായിട്ടാണ് മെസ്സി പുരസ്ക്കാരത്തിന് അര്ഹനായത്. ഇതോടെ ഇതോടെ ബാലന് ഡി ഓറില് മെസ്സി - ക്രിസ്ത്യാനോ യുഗം പത്തു വര്ഷം തികച്ചു.
ഇതിനിടയില് കഴിഞ്ഞ തവണ പുരസ്ക്കാര ജേതാവായ റയല്മാഡ്രിഡിന്റെ ക്രൊയേഷ്യന് താരം ലൂക്കാ മോഡ്രിക് മാത്രമായിരുന്നു ഇവരല്ലാതെ പുരസ്ക്കാരത്തിന് അര്ഹനായ ഏകയാള്. 2009 മുതലാണ് പുരസ്ക്കാരത്തില് മെസ്സി ചുംബിച്ച് തുടങ്ങിയത്. തുടര്ച്ചയായി മൂന്ന് വര്ഷം കൂടി പുരസ്ക്കാരം നേടി. എന്നാല് 2015 ന് ശേഷം മൂന്ന് വര്ഷം ക്രിസ്ത്യാനോ പുരസ്ക്കാരം നേടിയിരുന്നു. കരിയറില് അര്ജന്റീനയ്ക്കും ബാഴ്സിലോണയ്ക്കും മാത്രം കളിച്ചിട്ടുള്ള മെസ്സി കാറ്റാലന് ക്ളബ്ബിനായി 700 മത്സരങ്ങള് പൂര്ത്തിയാക്കിയത് കഴിഞ്ഞയാഴ്ചയാണ്. 614 ഗോളുകളുമടിച്ചു. 34 ട്രോഫികളില് പങ്കാളിയാകുകയും 10 ലാലിഗാ ട്രോഫിയും നാലു ചാംപ്യന്സ് ലീഗ് കിരീടത്തിലും പങ്കാളിയായ താരമാണ്.
അമേരിക്കയുടെ മേഗന് റാപിനോ ആയിരുന്നു മികച്ച വനിതാ താരം. ഇംഗ്ളണ്ടിന്റെ ലൂസി ബ്രോണ്സിനെയാണ് റാപിനോ മറികടന്നത്. മികച്ച ഗോള്കീപ്പര്ക്കുള്ള പുരസ്ക്കാരം ലിവര്പൂളിന്റെ ബ്രസീലിയന് ഗോളി അലിസണ് നേടി. യുവന്റസിന്റെ ഡച്ച് താരം മാത്തിസ് ഡി ലൈറ്റ് മികച്ച അണ്ടര് 21 താരത്തിനുള്ള കോപാ ട്രോഫി നേടി. വാന്ജിക്കില് നിന്നുള്ള കനത്ത എതിര്പ്പാണ് മെസ്സി മറികടന്നത്. 2006 ല് ഇറ്റാലിയന് താരം ഫാബിയോ കന്നവാരോ അര്ഹനായ ശേഷം ആദ്യമായിട്ടായിരുന്നു ഒരു ഡിഫന്ഡര് ബാലന് ഡി ഓര് പുരസ്ക്കാരത്തിന് അര്ഹനായത്.
