തിരുവനന്തപുരം: സംസ്ഥാനത്ത് മരണനിരക്കില് മുന്നില് പത്തനംതിട്ട ജില്ലയെന്ന് റിപ്പോര്ട്ട്. സംസ്ഥാന സര്ക്കാരിന്റെ ഇക്കണോമിക്സ് ആന്ഡ് സ്റ്റാറ്റിസ്റ്റിക് വകുപ്പിന്റെ ഏറ്റവും ഒടുവിലത്തെ വൈറ്റല് സ്റ്റാറ്റിസ്റ്റിക് റിപ്പോര്ട്ടാണ് പുറത്തുവന്നിരിക്കുന്നത്. 2018 ലെ ജനന-മരണ രജിസ്റ്റര് വിവരത്തെ അടിസ്ഥാനപ്പെടുത്തിയാണ് റിപ്പോര്ട്ട് തയാറാക്കിയിരിക്കുന്നത്.
മരണനിരക്കില് ഏറ്റവും പിറകിലുള്ള ജില്ല മലപ്പുറമാണ്. പത്തനംതിട്ടയില് 2018 ലെ ക്രൂഡ് ഡെത്ത് റേറ്റ്( ജനസംഖ്യയും മരണനിരക്കും തമ്മിലുള്ള അനുപാതം) 10ഴ92 ആണെങ്കില് മലപ്പുറത്ത് 4.28 മാത്രമാണ്.
അതേസമയം പ്രായമേറിയവര് കൂടുതല് പത്തനംതിട്ടയിലാണ്. മലപ്പുറത്ത് പ്രായം കുറഞ്ഞവരാണ് കൂടുതല്. ജനനം കൂടുതല് നടന്നത് ഒക്ടോബര് മാസത്തിലാണ്. എന്നാല് മരണം കൂടുതല് സെപ്റ്റംബറിലാണ്. 2018 ല് ആകെ മരിച്ച 2ഴ59 ലക്ഷം പേരില് 27,111 പേരും മരിച്ചത് സെപ്റ്റംബറിലാണ്. മരണസംഖ്യ ഏറ്റവും കുറവ് ഫെബ്രുവരിയിലാണ്. മരിച്ചവരില് 57.09 ശതമാനം പേരും 70 വയസില് കൂടുതലുള്ളവരാണ്.
