ലണ്ടന്: ലോകകപ്പോടെ ഹീറോയായി മാറിയ പോര്ച്ചുഗലിന്റെ യുവ സൂപ്പര്താരം ജാവോ ഫെലിക്സ് ഉദ്ഘാടന മത്സരത്തില് തന്നെ ചുവപ്പ് കാര്ഡ് കണ്ടപ്പോള് ചെല്സിയ്ക്ക് അട്ടിമറി. ഇംഗ്ളീഷ് പ്രീമിയര് ലീഗില് ഫുള്ഹാം ചെല്സിയെ 2-1 ന് തകര്ത്തുവിട്ടു.
ഇരുപകുതികളിലുമായി വില്യനും ആല്വെസ് മൊറേയ്സും ആയിരുന്നു ഫുള്ഹാമിനായി ഗോള് നേടിയത്. കൗളിബാളി ചെല്സിയുടെ ഗോള് നേടി. ബുധനാഴ്ച ട്രാന്സ്ഫര് പൂര്ത്തിയാക്കി ചെല്സി ജഴ്സിയില് ഇറങ്ങിയ ആദ്യ മത്സരത്തില് തന്നെ പോര്ച്ചുഗലിന്റെ യുവതാരം ജാവോ ഫെലിക്സ് ചുവപ്പ് കാര്ഡ് വാങ്ങി. അത്ലറ്റിക്കോ മാഡ്രിഡില് നിന്നും 9.7 ദശലക്ഷം പൗണ്ടിന് ലോണിലാണ് ഫെലിക്സ് ചെല്സിയില് എത്തിയത്. ഫുള്ഹാം ഡിഫന്ഡര് കെന്നി ടെറ്റേയുമായുണ്ടാക്കിയ പ്രശ്നമാണ് ഫെലിക്സിനെ പുറത്തേക്ക് വിട്ടത്. താരത്തെ മൂന്ന് മത്സരത്തില് നിന്നും സസ്പെന്റ് ചെയ്തു.
ചെല്സിയില് ഏഴുവര്ഷം കളിച്ച ക്ലബ്ബിനൊപ്പം രണ്ടു പ്രീമിയര് ലീഗ് കിരീടം ചൂടിയ വില്യനായിരുന്നു ആദ്യം ഗോള് നേടിയത്. രണ്ടു മിനിറ്റ് കഴിഞ്ഞപ്പോള് തന്നെ ചെല്സി തിരിച്ചടിച്ചു. മാസണ് മൗണ്ട് എടുത്ത ഫ്രീകിക്ക് കൗളിബാളി വലയില് എത്തിച്ചു. എന്നാല് ചെല്സിക്കായി മനോഹരമായി കളിച്ചു കൊണ്ടിരുന്ന ജാവോ ചുവപ്പ് കാര്ഡ് കണ്ടതോടെ പത്തുപേരായി ചുരുങ്ങിയത് നീലപ്പടയ്ക്ക് തിരിച്ചടിയായി.
