കൊല്ലം: കൊല്ലം കോര്പ്പറേഡനില് എല്ഡിഎഫിന്റെ സിറ്റിംഗ് സീറ്റ് ആട്ടിമറിയിലൂടെ ആര്എസ്പി പിടിച്ചെടുത്തു. ആര്എസ്പിയുടെ ദീപു ഗംഗാധരന് 638 വോട്ടുകളുടെ ഭൂരിപക്ഷത്തിലാണ് വിജയിച്ചത് . കോര്പ്പറേഷനിലെ മൂന്നാം ഡിവിഷനായ മീനത്തുചേരി വാര്ഡില് നടന്ന ഉപതെരഞ്ഞെടുപ്പിലാണ് എല്ഡിഎഫിനെ പരാജയപ്പെടുത്തി ആര്എസ്പി വിജയിച്ചത്. എല്ഡിഎഫിലെ സന്ധ്യ രാജു നീലകണ്ഠനെയാണ് ദീപു പരാജയപ്പെടുത്തിയത്.
ഇതിനുപുറമേ ഇടമുളയ്ക്ക് പഞ്ചായത്തിലെ തേവര്തോട്ടം വാര്ഡിലും വിളക്കുടി പഞ്ചായത്തിലെ കുന്നിക്കോട് വാര്ഡിലും എല്ഡിഎഫ് വിജയിച്ചു. സിപിഐഎമ്മിലെ പി അനില് കുമാര് 262 വോട്ടിനാണ് തേവര്തോട്ടത്തില് വിജയിച്ചത്. ഇവിടെ ബിജെപി രണ്ടാമതെത്തിയപ്പോള് കോണ്ഗ്രസ് സ്ഥാനാര്ത്ഥി മൂന്നാം സ്ഥാനത്തേക്ക് പോയി. വിളക്കുടിയില് എല്ഡിഎഫിന്റെ എന് അനില്കുമാര് വിജയിച്ചു. 241 വോട്ടുകള്ക്കാണ് വിജയം.
സംസ്ഥാനത്ത് 28 തദ്ദേശ വാര്ഡുകളിലേക്ക് നടന്ന ഉപതെരഞ്ഞെടുപ്പിന്റെ ഫലം പുറത്ത് വരുമ്പോള് യുഡിഎഫിനാണ് മുന്നേറ്റം. 23 ഗ്രാമ പഞ്ചായത്ത് വാര്ഡുകളിലേക്കും 2 നഗരസഭ വാര്ഡുകളിലേക്കും ഓരോ ജില്ലാ പഞ്ചായത്ത്, കോര്പറേഷന് ഡിവിഷന് വാര്ഡ്, ബ്ലോക്ക് പഞ്ചായത്ത് വാര്ഡ് എന്നിവിടങ്ങളിലേക്കുമായിരുന്നു തെരഞ്ഞെടുപ്പ് നടന്നത്. 74.38 ശതമാനമാണ് പോളിംഗ്. ഇടുക്കി, കാസര്ഗോഡ് ജില്ലകള് ഒഴികെ മറ്റ് 12 ജില്ലകളില് നിന്നായി 97 സ്ഥാനാര്ഥികളാണ് ജനവിധി തേടിയത്
