പാലക്കാട്: വ്യാജരേഖ ചമച്ച് ഗസ്റ്റ് ലക്ചറര് ജോലിക്കു ശ്രമിച്ച കേസില് മണ്ണാര്ക്കാട് ജുഡീഷ്യല് ഒന്നാംക്ലാസ് മജിസ്ട്രേറ്റ് കോടതി ജൂെലെ ആറുവരെ റിമാന്ഡ് ചെയ്ത എസ്.എഫ്.ഐ. മുന്നേതാവ് കാസര്ഗോഡ്, തൃക്കരിപ്പൂര് മണിയനോടി തെക്കേവീട്ടില് കെ. വിദ്യയെ രണ്ടുദിവസത്തേക്കു പോലീസ് കസ്റ്റഡിയില് വിട്ടു. പ്രതിയുടെ ജാമ്യാപേക്ഷ നാളെ പരിഗണിക്കും.
അട്ടപ്പാടി ആര്.ജി.എം. കോളജില് മഹാരാജാസ് കോളജിന്റേതായി വിദ്യ സമര്പ്പിച്ച പ്രവൃത്തിപരിചയ സര്ട്ടിഫിക്കറ്റിലെ തീയതിയില്ത്തന്നെ െവെരുധ്യമുണ്ടെന്നു കോളജ് അധികൃതര് പോലീസിനു മൊഴിനല്കി. 2021 ഏപ്രില് ഒന്നാണ് സര്ട്ടിഫിക്കറ്റില് രേഖപ്പെടുത്തിയിരിക്കുന്നത്. അന്ന് പെസഹ അവധിയായിരുന്നു.
അവധിദിനത്തില് കോളജില്നിന്ന് സര്ട്ടിഫിക്കറ്റുകള് വിതരണം ചെയ്യാറില്ല. സര്ട്ടിഫിക്കറ്റിലെ ഓഫീസ് മുദ്രയിലും നല്കിയ അധികാരിയുടെ മുദ്രയിലും വ്യത്യാസമുണ്ട്. സര്ട്ടിഫിക്കറ്റില് ഇ4/2021/302 എന്നും ഇ4/2019/270 എന്നുമാണു ഫയല് നമ്പര് രേഖപ്പെടുത്തിയിരിക്കുന്നത്. കോളജില് എ, ബി സെക്ഷനുകള് മാത്രമേയുള്ളൂ. '''ഇ''സെക്ഷന് ഇല്ലെന്നും െവെസ് പ്രിന്സിപ്പല് മൊഴിനല്കി.
അതേസമയം, ആര്.ജി.എം. കോളജില് മഹാരാജാസ് കോളജിലെ പ്രവൃത്തിപരിചയ സര്ട്ടിഫിക്കറ്റ് ഹാജരാക്കിയിട്ടില്ലെന്നാണു വിദ്യയുടെ മൊഴിയായി റിമാന്ഡ് റിപ്പോര്ട്ടിലുള്ളത്. കാസര്ഗോഡ് ജില്ലയിലെ കരിന്തളം കോളജില് പാലക്കാട്, പത്തിരിപ്പാല കോളജിലെ പ്രവൃത്തിപരിചയ സര്ട്ടിഫിക്കറ്റാണു ഹാജരാക്കിയത്.
കരിന്തളം കോളജില് 10 മാസം ഗസ്റ്റ് ലക്ചററായി ജോലി ചെയ്തു. പത്തിരിപ്പാല കോളജില് പ്രവൃത്തിപരിചയ സര്ട്ടിഫിക്കറ്റ് ഹാജരാക്കിയിരുന്നില്ല. അവിടെ ഏഴുമാസം ജോലിചെയ്തെന്നാണു മൊഴി.
വിദ്യയ്ക്കെതിരേ നീലേശ്വരം പോലീസ് സ്റ്റേഷനില് സമാനമായ കേസുണ്ടെന്നും അതിനാല് ക്രിമിനല് പശ്ചാത്തലം വ്യക്തമാണെന്നും റിമാന്ഡ് റിപ്പോര്ട്ടില് പറയുന്നു. മഹാരാജാസ് കോളജില് 2018 ജൂണ് നാലുമുതല് 2019 മാര്ച്ച് 31 വരെയും 2010 ജൂണ് 10 മുതല് 2021 മാര്ച്ച് 31 വരെയും കരാറടിസ്ഥാനത്തില് മലയാളം അസിസ്റ്റന്റ് പ്രഫസറായിരുന്നെന്ന പ്രവൃത്തിപരിചയ സര്ട്ടിഫിക്കറ്റില് കോളജിന്റെ ഓഫീസ് മുദ്രയും സ്പെഷല് ഗ്രേഡ് പ്രിന്സിപ്പലിന്റെ ഒപ്പും ഔദേ്യാഗികമുദ്രയും വ്യാജമായി പതിപ്പിച്ചു.
കഴിഞ്ഞ രണ്ടിന് അട്ടപ്പാടി കോളജില് സമര്പ്പിച്ച സര്ട്ടിഫിക്കറ്റിലെ മുദ്രകളും ഒപ്പും അവയുടെ അസലുമായി ഒത്തുനോക്കണം. വ്യാജ സര്ട്ടിഫിക്കറ്റിന്റെ ഉറവിടവും കൂടുതല്പ്പേര്ക്കു പങ്കുണ്ടോയെന്നും കണ്ടെത്തണം. സര്ട്ടിഫിക്കറ്റിന്റെ അസല് കണ്ടെത്താന് പ്രതിയെ രണ്ടുദിവസം കസ്റ്റഡിയില് ആവശ്യപ്പെട്ട് കോടതിയില് പോലീസ് അപേക്ഷ നല്കി.
ഭീകരരെ െകെകാര്യം ചെയ്യുന്നതുപോലെയാണു പോലീസിന്റെ സമീപനമെന്നും ഒരുദിവസത്തെ കസ്റ്റഡിയേ അനുവദിക്കാവൂവെന്നും വിദ്യയുടെ അഭിഭാഷകന് സെബിന് സെബാസ്റ്റിയന് വാദിച്ചു.
