പാരീസ്: ഇന്ത്യന് യുവതയ്ക്കിടയില് ഫ്രഞ്ച് ഫുട്ബോള്താരം കിലിയന് എംബാപ്പേ വന് ഹിറ്റാണെന്നും ഒരുപക്ഷേ ഫ്രാന്സില് അദ്ദേഹത്തെ അറിയുന്നതിനേക്കാള് കൂടുതല് പേര് ഇന്ത്യയില് ഉണ്ടാകുമെന്നും പറഞ്ഞു. ഫ്രാന്സില് ഇന്ത്യന് ജനതയെ അഭിമുഖീകരിക്കുമ്പോഴായിരുന്നു മോദി ഇക്കാര്യം പറഞ്ഞത്. ഫ്രഞ്ച് ലീഗിലെയും അന്താരാഷ്ട്ര വേദിയിലും കിലിയന് എംബാപ്പേയുടെ നേട്ടങ്ങളെക്കുറിച്ചും പരാമര്ശിച്ചു.
2022 ലോകകപ്പ് ഫൈനലില് അര്ജന്റീനയ്ക്ക് എതിരേ നേടിയ ഹാട്രിക്ക് ഉള്പ്പെടെയുള്ള പ്രകടനത്തെക്കുറിച്ചും അതിലൂടെ അദ്ദേഹം ലോകത്തുടനീളമുള്ള ആരാധകര്ക്കിടയില് പ്രതിഷ്ഠ നേടിയതിനേക്കുറിച്ചും മോഡി പരാമര്ശിച്ചു. പാരീസില് ചൊവ്വാഴ്ച പ്രധാനമന്ത്രിയ്ക്ക് ഊഷ്മളമായ സ്വീകരണമാണ് കിട്ടിയത്.
ഫ്രഞ്ച് പ്രധാനമന്ത്രി എലിസബത്ത് ബോണ് ആശംസയുമായി എത്തി. ഫ്രാന്സിലെ ഇന്ത്യന് ജനത പ്രധാനമന്ത്രിയുടെ ഫ്രഞ്ച് സന്ദര്ശനത്തില് വലിയ ആകാംഷയിലായിരുന്നു. ഏറെ പ്രാധാന്യമുള്ള ഒട്ടേറെ നയതന്ത്ര പരിപാടികളില് മോഡി പങ്കെടുക്കുന്നുണ്ട്. സെനറ്റ് ബില്ഡിംഗില് ഫ്രഞ്ച് സെനറ്റ് പ്രസിഡന്റ് ജെറാര്ഡ് ലാര്ച്ചറുമായുള്ള കൂടിക്കാഴ്ച ഇവയില് പ്രധാനപ്പെട്ട ഒന്നാണ്.
