ന്യൂയോര്ക്ക്: ലിയോണേല് മെസ്സിയുടേയും കൂട്ടുകാരുടേയും വരവോടെ സൂപ്പര്ഫോമിലേക്ക് ഉയര്ന്നിരിക്കുന്ന ഇന്റര്മിയാമി തുടര്ച്ചയായി രണ്ടാമത്തെ ടൂര്ണമെന്റിലൂം ഫൈനലില്. ഇത്തവണ യുഎസ് ഓപ്പണ്കപ്പ് സെമിയില് സിന്സിനാറ്റിയെ തകര്ത്ത് മെസ്സിയുടെ ഇന്റര്മിയാമി ഫൈനലില് കടന്നു. കളിയില് ഗോളടിച്ചില്ലെങ്കിലും ഇരട്ട അസിസ്റ്റുമായി മെസ്സി തിളങ്ങി. ഷൂട്ടൗട്ടിലായിരുന്നു ഇന്റര്മിയാമി എതിരാളികളെ മറികടന്നത്.
എല്എല്എസിന്റെ ടേബിള് ടോപ്പറായ സിന്സിനാസിയെ പിന്നില് നിന്നും പിടിച്ചാണ് ഇന്റര്മിയാമി വിജയം നേടിയത്. സാധാരണ സമയത്ത് ഇരുടീമുകളും രണ്ടു ഗോളുകള് അടിച്ച് സമനിലയില് ആയിരുന്നു. 90 മിനിറ്റുകളില് ഇരുടീമുകളും 2-2 ല് നില്ക്കുമ്പോള് അധികസമയത്ത് ബഞ്ചി ക്രമാഷിയിലൂടെ ഇന്റര്മിയാമി മുന്നിലെത്തിയിരുന്നുവെങ്കിലൂം അവസാന ഇഞ്ചുറി സമയത്ത് യുയാ കുബോ ടീമിനെ ഒപ്പമെത്തിക്കുകയായിരുന്നു.
കളിയുടെ 20 ാം മിനിറ്റില് ലൂഷിയാനോ അക്കോസ്റ്റയിലൂടെ സിന്സിനാറ്റിയാണ് കളിയില് ആദ്യം മുന്നിലെത്തിയത്. രണ്ടാം പകുതിയില് 53 ാം മിനിറ്റില് ബ്രാന്ഡന് വസ്ക്കസിലൂടെ സ്കോര് ഇരട്ടിയാക്കി. രണ്ടുഗോളിന് പിന്നിലായ ശേഷം ഉണര്ന്നുകളിച്ച ഇന്റര്മിയാമി ലിയനാര്ഡോ കമ്പാനയിലൂടെ ആദ്യഗോള് മടക്കി. 68 ാം മിനിറ്റില് കിട്ടിയ ഒരു ഫ്രീകിക്ക് മെസ്സി ബോക്സിലേക്ക് ഉയര്ത്തികൊടുത്തു. കമ്പാനയുടെ കൃത്യമായ ഹെഡ്ഡര് വലയില് എത്തി. 2-1 ന് സിന്സിനാറ്റി ജയിക്കുമെന്ന് തോന്നിപ്പിച്ചിരിക്കെ കമ്പാനയിലൂടെ മെസ്സി മാജിക് വീണ്ടും. മദ്ധ്യനിരയില് നിന്നും പന്തെടുത്ത് ബോക്സില് കമ്പാനയുടെ തലയ്ക്ക് പാകത്തിന് കെടുത്തു. കമ്പാനയുടെ ഹെഡ്ഡര് സിന്സിനാറ്റിയുടെ വലയിലെത്തി.
ഷൂട്ടൗട്ടില് സിന്സിനാറ്റി പ്രതിരോധക്കാരന് നിക്ക്ഹഗ്ലണ്ടിന്റെ കിക്ക് മിയാമി കീപ്പര് ഡ്രേക്ക് കലണ്ടര് തടഞ്ഞത് ഇന്റര്മിയാമിയെ മറ്റൊരു ഫൈനലിലേക്ക് നയിച്ചു. കഴിഞ്ഞയാഴ്ചയാണ് ഇന്റമിയാമി മെസ്സിയുടെ ചിറകിലേറി ആദ്യ കിരീടം നേടിയത്. ഈ വിജയത്തോടെ മെസ്സി വിജയക്കുതിപ്പ് തുടരുകയാണ്. തുടര്ച്ചയായി എട്ടാമത്തെ മത്സരമാണ് അപരാജിതരായത്. കഴിഞ്ഞ ശനിയാഴ്ചയാണ് ലീഗ് കപ്പില് മിയായി കിരീടം നേടിയത്.
