സിഡ്നി: ഓസ്ട്രേലിയക്കെതിരായ അഞ്ചാം ക്രിക്കറ്റ് ടെസ്റ്റിനിടെ നായകന് ജസ്പ്രിത് ബുമ്രയ്ക്ക് പരുക്കേറ്റതായി അഭ്യൂഹം. മത്സരത്തിനിടെ കളം വിട്ട ബുമ്ര മെഡിക്കല് സംഘത്തിനൊപ്പം വാഹനത്തില് കയറി ആശുപത്രിയിലേക്കു പോകുന്ന ദൃശ്യങ്ങള് പുറത്തുവന്നതോടെയാണ് പരുക്കേറ്റതായി അഭ്യൂഹം പ്രചരിക്കുന്നത്.
രോഹിത് ശര്മയുടെ അഭാവത്തില് ഡിസ്നിയില് ഇന്ത്യയെ നയിക്കുന്ന ബുമ്രയെ സ്കാനിങ്ങിനായാണ് ആശുപത്രിയിലേക്ക് മാറ്റിയതെന്നാണ് വിവരം. വിഷയത്തില് ബിസിസിഐ ഇതുവരെ ഔദ്യോഗികമായി പ്രതികരിച്ചിട്ടില്ല.
മത്സരത്തില് 10 ഓവര് ബോള് ചെയ്ത ബുമ്ര ഒരു മെയ്ഡന് ഓവര് സഹിതം 33 റണ്സ് വഴങ്ങി രണ്ടു വിക്കറ്റ് വീഴ്ത്തിയിരുന്നു. ഇതിനു പിന്നാലെയാണ് താരത്തെ വിദഗ്ധ പരിശോധനകള്ക്കായി ആശുപത്രിയിലേക്കു മാറ്റിയത്. ബുമ്രയുടെ അഭാവത്തില് വിരാട് കോഹ്ലിലാണ് ഒന്നാം ഇന്നിങ്സിന്റെ അവസാന ഘട്ടങ്ങളില് ഇന്ത്യയെ നയിച്ചത്. മത്സരത്തില് ബുമ്രയ്ക്ക് കളിക്കാനായില്ലെങ്കില് അത് ഇന്ത്യയ്ക്ക് കനത്ത തിരിച്ചടിയാകും.
അതേസമയം ഇന്ത്യയ്ക്കെതിരെ ബാറ്റിങ് തകര്ച്ച നേരിട്ട ആതിഥേയരായ ഓസ്ട്രേലിയ ഒന്നാം ഇന്നിങ്സില് 181 റണ്സിന് പുറത്തായി. 51 ഓവറിലാണ് ഓസീസ് 181 റണ്സിന് പുറത്തായത്. ഇതോടെ സിജ്നി ക്രിക്കറ്റ് ടെസ്റ്റില് ഇന്ത്യയ്ക്ക് നാലു റണ്സിന്റെ ഒന്നാം ഇന്നിങ്സ് ലീഡ് ലഭിച്ചു. അരങ്ങേറ്റ മത്സരത്തില് അര്ധസെഞ്ചറിയുമായി തിളങളങിയ ബ്യൂ വെബ്സ്റ്ററാണ് ഓസീസിന്റെ ടോപ് സ്കോറര്. വെബ്സ്റ്റര് 105 പന്തില് അഞ്ച് ഫോറഒകള് സഹിതം 57 റണ്സെടുത്തു.
ഇന്ത്യയ്ക്കായി പ്രസിദ്ധ് കൃഷ്ണ, മുഹമ്മദ് സിറാജ് എന്നിവര് മൂന്നു വിക്കറ്റ് വീതവും ക്യാപ്റ്റന് ജസ്പ്രിത് ബുമ്ര, നിതീഷ് കുമാര് റെഡ്ഡി എന്നിവര് രണ്ടു വിക്കറ്റ് വീതവും വീഴ്ത്തി.
Where's Jasprit Bumrah off to 🤔#AUSvIND pic.twitter.com/P0yD1Q8pnV
— 7Cricket (@7Cricket) January 4, 2025
