മിനിസ്ക്രീന് പ്രേക്ഷകര്ക്ക് ഏറെ സുപരിചിതയാണ് നടി പ്രിയ മോഹന്. ഇപ്പോള് അഭിനയത്തില് സജീവമല്ലെങ്കിലും സമൂഹമാധ്യമങ്ങളിലൂടെ തന്റെ വിശേഷങ്ങളെല്ലാം ആരാധകരുമായി താരം പങ്കുവെക്കാറുണ്ട്.
നടന് നിഹാലാണ് പ്രിയയുടെ ഭര്ത്താവ്. പൃഥ്വിരാജ് ചിത്രമായ മെമ്മമീസ് ഉള്പ്പെടെയുളള ചിത്രങ്ങളില് നിഹാല് അഭിനയിച്ചിട്ടുണ്ട്. ഇന്ന് ഇരുവരുടെയും 14 ാം വിവാഹവാര്ഷികമാണ്. വിവാഹവാര്ഷികദിനത്തില് പ്രിയ പങ്കുവെച്ച വൈകാരിക കുറിപ്പാണ് ഇപ്പോള് ശ്രദ്ധനേടുന്നത്.
‘ദൈവം എനിക്ക് ഈ മനുഷ്യനെ തന്നിട്ട് ഇങ്ങനെയൊരു ഉറപ്പ് നല്കിയതുപോലെ തോന്നുന്നു. ശരി ഇതാ നീ ആഗ്രഹിച്ചതെല്ലാം , നീ എപ്പോഴും പ്രാര്ഥിച്ച വ്യക്തി . നിന്നെ ഞാന് എന്നെന്നും സ്നേഹിക്കുന്നു. പതിനാലാം വാര്ഷികാശംസകള് ’എന്നാണ് പ്രിയ കുറിച്ചത്.
ഫാഷന് ഡിസൈനറും നടിയും അവതാരകയുമായ പൂര്ണിമയുടെ സഹോദരി കൂടിയാണ് പ്രിയ. പ്രിയയ്ക്കും നിഹാലിനും ഒരു മകനാണുളളത്. വര്ധന് എന്നാണ് മകന്റെ പേര്.
