കൊച്ചി: എറണാകുളം വൈപ്പിനിലെ സ്വകാര്യ ഷിപ്പ് യാർഡിൽ അറ്റകുറ്റപ്പണിക്കായി എത്തിച്ച വിദേശ കപ്പലിൽ തീപിടിത്തമുണ്ടായി. തീ നിയന്ത്രണവിധേയമാക്കാൻ അഗ്നിശമന സേനയുടെ ശ്രമം തുടരുകയാണ്.
വൈപ്പിൻ കാളമുക്കിലുള്ള ഷിപ്പ് യാർഡിലാണ് സംഭവം. പുലർച്ചെയോടെ കപ്പലിന്റെ മുകൾഭാഗത്ത് നിന്ന് തീയും പുകയും ഉയരുന്നത് മത്സ്യത്തൊഴിലാളികളുടെ ശ്രദ്ധയിൽപ്പെടുകയായിരുന്നു. തുടർന്ന് അവർ ഉടൻ തന്നെ അധികൃതരെ വിവരം അറിയിച്ചു.
കപ്പലിന്റെ മുകൾഭാഗത്തേക്കാണ് തീ വ്യാപിച്ചതെന്നാണ് പ്രാഥമിക വിവരം. തീപിടിത്തത്തിന് പിന്നിലെ കാരണം ഇതുവരെ വ്യക്തമായിട്ടില്ല. സമീപത്ത് അറ്റകുറ്റപ്പണിക്കായി നങ്കൂരമിട്ടിരിക്കുന്ന നിരവധി ബോട്ടുകളും കപ്പലുകളും ഉള്ളതിനാൽ തീ മറ്റ് ഭാഗങ്ങളിലേക്ക് പടരാതിരിക്കാൻ ഫയർഫോഴ്സ് തീവ്രശ്രമം നടത്തുകയാണ്.
